მაცხოვრის მიწიერი ცხოვრებიდან ცნობილია ეპიზოდი, როდესაც მთაზე მდგომს ეშმაკი ეუბნება, გადახტი და თუ ღვთის შვილი ხარ, გადარჩებიო. მაცხოვრის პასუხიც გვახსოვს ყველას. ჩვენი ეკლესიაც, დღეს, სამწუხაროდ, იგივეს გვეუბნება ჩვენ, გადახტით და ღმერთი დაგიჭერთო. ღმერთი არ განაგებს ადამიანის არჩევანს და არც ბედისწერას, მეტიც, ღმერთი არც კი თანამონაწილეობს ადამიანის არჩევანში, ის, თავისუფლებას და არჩევანის უფლებას, პასუხისმგებლობასაც ადამიანს ანიჭებს – გამოვა ადამიანი ეშმაკის რანგში თუ ღვთის მხარეს.
აირჩიეთ მორწმუნეებო, ვის მხარეს დგახართ თქვენ – ეშმაკის მხარეს, რომელიც მაცხოვარს გადახტომას სთავაზობდა მთიდან თუ ღმერთის მხარეს, რომელიც არ უმტკიცებდა ეშმაკს არაფერს.
უგუნურობით, უმეცრებით სიკვდილი ქრისტესადმი თავგანწირვა არაა, ის თვითმკვლელობაა, რომელიც ურწმუნობის იდენტურად არის მიჩნეული სახარებაში და ერთადერთ ყველაზე მძიმე ცოდვად, რომლის მონანიებაც შეუძლებელია.
დღეს სასულიერო იერარქები მოგვიწოდებენ გადმოვხტეთ მთიდან, რომ ღმერთი ვაიძულოთ გვიმტკიცოს თავის არსებობა. ეს ურწმუნობაა. ეს ღვთის გმობაა. ეს თვითმკვლელობაა.
არჩილ გამზარდია