ვაზისუბანში კორპუსის პირველ სართულზე აფეთქება მოხდა.
აფეთქება, სავარაუდოდ, ბუნებრივი აირს უკავშირდება. როგორც ადგილობრივები ყვებიან, ხმა 20 წუთის წინ გაიგეს.
მომხდარის სხვა დეტალები უცნობია.
ადგილზე ხანძარი ლოკალიზებულია. ადგილზე სახანძრო-სამაშველო ჯუფები მუშაობენ. დაშავებულების შესახებ ინფორმაცია ჯერჯერობით არ ვრცელდება.
ადგილობრივების ინფორმაციით, ვაზისუბანში, ერთ-ერთ კორპუსში, პირველ სართულზე, ბინაში, სადაც აფეთქება მოხდა, ერთი ადამიანი ცხოვრობდა. საცხოვრებელი კორპუსიდან ევაკუაცია განხორციელდა.
არსებული ინფორმაციით, არიან დაშავებულები. ადგილობრივების თქმით, სასწრაფო დახმარების ჯგუფმა სამი ადამიანი გადაიყვანა.
საგანგებო სიტუაციების მართვის სამსახურში აცხადებენ, რომ მომხდარის შედეგად მსხვერპლი არ არის.