„შერიგება რას ნიშნავს? ნაჩხუბრები არიან? არავისთან შესარიგებელი არ მაქვს“ – ზურაბ ჯაფარიძე

253 წაკითხვა

„არ მჯერა, რომ რამე შედეგი ექნება, ასეთი აქციები ნანახი მაქვს მილიონი“,- ასე აფასებს „გირჩი-მეტი თავისუფლებისთვის“ ლიდერი, ზურაბ ჯაფარიძე „პალიტრანიუსის“ გადაცემაში „რეზიუმე“ ყოფილი პრეზიდენტის, მიხეილ სააკაშვილის გათავისუფლების მოთხოვნით, „ერთიანი ნაციონალური მოძრაობის“ მიერ დაანონსებულ აქციას, რომელიც 21 დეკემბერს გაიმართება.

მან ისაუბრა საქართველოს პრეზიდენტის, სალომე ზურაბიშვილის ინიციატივასთან დაკავშირებითაც, ოპოზიციონერმა პოლიტიკოსმა აღნიშნა, რომ თავად მას შესარიგებელი არავისთან არაფერი აქვს.

ზურაბ ჯაფარიძის თქმით, „ერთიანი ნაციონალური მოძრაობა“ ყველა ხერხს იყენებს იმისათვის, რომ მიხეილ სააკაშვილი საპატიმროდან გათავისუფლდეს, მათ შორის ოპოზიციური პარტია პრეზიდენტის მიერ მის შესაძლო შეწყალებასაც უშვებს.

„ესეც რაღაც პოლიტიკური თამაშია, რაში მონაწილეობაც არ მინდა – ამას იმის გამო აკეთებს („ნაციონალური მოძრაობა“), მათ შორის ასე პოზიტიურად ამიტომ აფასებენ ამ პროცესს საჯაროდ, რადგან კონკრეტული პრობლემა აქვთ, ლიდერი ჰყავთ ციხეში და იციან, რომ პრეზიდენტს ფორმალურად ეს ბერკეტი აქვს, რომ შეიწყალოს. ამიტომ, ყველანაირად ეცდებიან, რომ იქნებ ზურაბიშვილმა ეს ბერკეტი გამოიყენოს და მათი ლიდერი გამოიყვანონ ციხიდან. ისინი ცდილობენ ყველა გზის გამოყენებას, ოღონდ ლიდერი გამოიყვანონ ციხიდან, რაც ბუნებრივი ამბავია.

შერიგება რას ნიშნავს? ნაჩხუბრები არიან? მე არავისთან შესარიგებელი არ მაქვს. შეიძლება კრიტიკული ვიყო ბევრის მიმართ, მაგრამ არავისთან ნაჩხუბარი არ ვარ და შესარიგებელი არაფერი მჭირს. თუ რამე მოხდება, უნდა მოხდეს შეთანხმება სამართლიან თამაშის წესებზე“, – აღნიშნა ზურაბ ჯაფარიძემ.

Next Post

პოლიციამ რამაზ გერლიანის წერილს და მობილურ ტელეფონს მიაკვლია

სამ დეკ 21 , 2021
253 წაკითხვასამართალდამცავებმა „ეკონომიკური ტრანსფორმაციის ცენტრის“ დირექტორის, ეკონომიკური ექსპერტის, რამაზ გერლიანის წერილსა და მობილურ ტელეფონს მიაკვლია. წერილიც და ტელეფონით ორგანიზაციის ოფისიდან ამოიღეს. აღსანიშნავია, რომ მობილურს, რომელიც მის სამუშაო მაგიდაზე იდო, მარკერით მიწერილი ჰქონდა პაროლი, რითაც პოლიციას გერლიანის ტელეფონის გახსნა შეუძლია. რაც შეეხება წერილს, მოკლე წერილში რამაზ გერლიანი აცხადებს, რომ „ბევრი ითმინა“ და „დაიღალა”. ასევე, მიმართავს შვილებს, რომ უყვარს, ღმერთს კი პატიებას თხოვს. […]

mediapress.ge@gmail.com