„ამერიკის ჯარი, რომელიც სირიას ტოვებს, შეიძლება, საქართველოში გაიგზავნოს“ – ლუკ კოფი

1,509 წაკითხვა

ამერიკელი პოლიტიკური მრჩეველი და აშშ-ის არმიის ვეტერანი ლუკ კოფი სირიიდან გაყვანილი ამერიკელი სამხედროების საქართველოში განთავსების ინიციატივით გამოდის. აღნიშნული რეკომენდაცია კოფიმ „ტვიტერის“ საკუთარ გვერდზე გაავრცელა.

„შეთავაზება: ამერიკის შეერთებული შტატების ჯარი, რომელიც სირიას ტოვებს, შეიძლება, საქართველოში გაიგზავნოს და გახდეს „ჰორიზონტს მიღმა“ ძალა, რომელიც სწრაფად უპასუხებს „ისლამურ სახელმწიფოს“, იმ შემთხვევაში თუ ის კვლავ გაძლიერდება“,- წერს ლუკ კოფი „ტვიტერის“ გვერდზე.

კოფის რეკომენდაციით, ამერიკის შეერთებულ შტატებს ჯარის განსათავსებლად ახალქალაქში მდებარე რუსეთის ყოფილი ბაზის გამოყენება შეუძლია, რომელიც სირიის ქალაქ რაქას 740 კილომეტრით არის დაშორებული.

კოფის „ტვიტერის“ გვერდზე შესაბამისი რუკაც აქვს გამოქვეყნებული იმ ადგილის მითითებით, სადაც შეიძლება განთავსდნენ ამერიკელი სამხედროები და აღნიშნულია, რა მანძილით არის დაშორებული ლოკაცია სირიის ქალაქ რაქას.

„ახლა საქართველო უფრო საიმედოა, ვიდრე ერაყი“, – აღნიშნავს ლუკ კოფი.

Next Post

გულბაათ რცხილაძე - „ეპისკოპოსების სახით, ბინძურმა რეჟიმმა თავისნაირი ბინძურები მოამრავლა“

კვი ოქტ 27 , 2019
1,509 წაკითხვაქართული სამღვდელოება კიდევ ერთხელ ავლენს თავის „უცოდველ სახეს“. ეპისკოპოსების ორთაბრძოლის მორიგი რაუნდი გახსნილად გამოცხადდა.  სულიერი მამების ბინძური კომპრომატებით ომი აქტიურ ფაზაში შევიდა და ქართულ პოლიტიკურ სანაგვეზე მორიგი გასართობი გაჩნდა. სასულიერო პირების მიერ გაკეთებულ განცხადებებს პოლიტოლოგი გულბაათ რცხილაძე სოციალური ქსელით ეხმაურება: „ეკლესიის დისკრედიტაცია ფერებ-ფერებით დაიწყო სააკოვმა, როდესაც უგულავას და სხვათა ხელით უამრავი აგენტი ჩანერგა სამღვდელოებაში – აგენტი არა იმდენად მსტოვრის […]

შესაძლოა მოგეწონოთ