გიორგი მარგველაშვილი დღეს გორის სამხედრო ჰოსპიტალში მიხეილ სააკაშვილს შეხვდება

588 წაკითხვა

საქართველოს ყოფილი პრეზიდენტი, გიორგი მარგველაშვილი დღეს გორის სამხედრო ჰოსპიტალში ექსპრეზიდენტ მიხეილ სააკაშვილს შეხვდება.

როგორც „ინტერპრესნიუსს“ გიორგი მარგველაშვილმა განუცხადა, ყოფილ პრეზიდენტებს შორის შეხვედრა დღეს, 12:00 საათზეა ჩანიშნული.

ცნობილია, რომ გიორგი მარგველაშვილისა და მიხეილ სააკაშვილის საუბრის ერთ-ერთი მთავარი თემა ხელისუფლებასა და ოპოზიციას შორის პრეზიდენტ სალომე ზურაბიშვილის მიერ დაწყებული ეროვნული თანხმობის პროცესი იქნება.

გიორგი მარგველაშვილმა სპეციალურ პენიტენციურ სამსახურს მსჯავრდებულ მიხეილ სააკაშვილთან შეხვედრის მიზნით, შესაბამისი განცხადებით 20 დეკემბერს მიმართა. სპეციალურმა პენიტენციურმა სამსახურმა მოთხოვნა დააკმაყოფილა. მათი განმარტებით, მედპერსონალის რეკომენდაციის საფუძველზე, მიხეილ სააკაშვილის ჯანმრთელობის მდგომარეობა შეხვედრის გამართვის შესაძლებლობას იძლევა და სამსახურს წინააღმდეგობრივი პოზიცია არ გააჩნია.

იპნ

Next Post

„მეტი აღარ მკითხოთ არაფერი, თორემ მთავარი არხიდან კი არა, ამ ქვეყნიდან გავისტუმრებ“ - ნიკა გვარამია

ორშ დეკ 27 , 2021
588 წაკითხვა,,მთავარი არხის“ დამფუძნებელი, ნიკა გვარამია: ,,შევღონდი პირად მესიჯებზე პასუხის გაცემით. გიორგი გაბუნია არათუ არ მიდის მთავარი არხიდან, თანამდებობრივად წინაურდება. მეტი აღარ მკითხოთ არაფერი, თორემ მთავარი არხიდან კი არა, ამ ქვეყნიდან გავისტუმრებ იმ ქვეყანას” „სიუჟეტებს თქვენ უკვე ჩემ გარეშე ნახავთ, მე შესაბამისად, აქვე გისურვებთ ბედნიერ დღესასწაულებს და გემშვიდობებით, ჩვენ ერთმანეთს აღარ შევხვდებით. კარგად იყავით“, – ამ სიტყვებით დაემშვიდობა ტელეკომპანია „მთავარის“ […]