„გუშინ იყო სააკაშვილის მოტაცების მორიგი მცდელობა“ – ნიკა გვარამია

444 წაკითხვა

ადვოკატი, ნიკა გვარამია გორის სამხედრო ჰოსპიტლიდან ყოფილი პრეზიდენტის, მიხეილ სააკაშვილის რეფერალურ საავადმყოფოში გადაყვანას მოითხოვს, სადაც მისი რეაბილიტაცია და უსაფრთხოების დაცვა იქნება შესაძლებელი.

როგორც გვარამიამ ჟურნალისტებს განუცხადა, გუშინდელი ინციდენტის შემდეგ გორის სამხედრო ჰოსპიტალი არაფრით აღარ განსხვავდება გლდანის ციხისგან.

„არავინ იცის, ვინ დაუწერა ფორმა 100. მაინტერესებს, საერთოდ რატომ, რის საფუძველზე იქნა ეს გადაწყვეტილება მიღებული. გუშინდელი ინციდენტის შემდეგ არაფრით აღარ განსხვავდება გორის სამხედრო ჰოსპიტალი გლდანის ციხისგან, ამიტომ აქ ყოფნა აღარ შეიძლება. იგი გადაყვანილი უნდა იყოს რეფერალური საავადმყოფოში რომელიც სრულად უზრუნველყოფს რეაბილიტაციასა და უსაფრთხოებას.

გუშინ იყო მისი მოტაცების მეორე მცდელობა, რაც არის მიზანმიმართული ქმედება, რათა თქვან, რომ ჯანმრთელად არის, არადა ჯანმრთელად არ არის. ამიტომ კიდევ ერთხელ ვამბობ, რომ ეს ჰოსპიტალი იგივე გლდანის ციხეა, სხვაობა არ არსებობს. სააკაშვილი უნდა იქნას გადაყვანილი რეფერალურ ჰოსპიტალში ან უკეთეს შემთხვევაში საზღვარგარეთ, იქნება ეს უკრაინა თუ სხვა ქვეყანა“, – განაცხადა გვარამიამ და დასძინა, რომ მიხეილ სააკაშვილს „უახლებენ წამების ტრავმას“. აღსანიშნავია, რომ ნიკა გვარამია გორის ჰოსპიტალში დაახლოებით ნახევარი საათის წინ მივიდა. ის კლინიკაში შესვლის ნებართვას გარკვეული პერიოდის განმავლობაში ელოდებოდა, თუმცა საბოლოოდ დაწესებულებაში შეუშვეს.

ipn

Next Post

სად შევარჩიოთ ბინა თბილისში?

სამ დეკ 28 , 2021
444 წაკითხვადედაქალაქში ყოველწლირად უამრავი ადამიანი ცდილობს გადმოსვლას, რაც იმასთანაა დაკავშირებული, რომ უფრო მეტ შესაძლებლობას პირდება ნებისმიერ აქ მყოფს. თბილისი დიდი ქალაქია, სადაც ყველაფერია განთავსებული, ძველი ტრადიციები სიახლეებთან და ინვოაციებთანაა შერწყმული, რაც აისახება არამხოლოდ ქუჩებსა და ნაგებობში, არამედ ადმაინების ხასიათსა და მიდგომებში. თბილისში მაცხოვრებლები ცდილობენ მათთვის უფრო კომფორტული ადგილის მოძებნას, რომელიც უფრო ახლოს იქნება იმასთან, რაც მაათვის ყველაზე მეტადაა პრიორიტეტული. მეორე […]