სახალხო დამცველს ჯერჯერობით ვერ აირჩევენ

172 წაკითხვა

სახალხო დამცველს ჯერჯერობით ვერ აირჩევენ, რადგან მმმართველი გუნდის მიერ რეკომენდირებულ 5 კანდიდატს ოპოზიცია არ ემხრობა, ხოლო ოპოზიციის რჩეულ კანდიდატებს ხელისუფლება, შესაბამისად, ამ ჯერზე ვერ ხერხდება ომბუდსმენის კანდიდატურის შერჩევა და როგორც მამუკა მდინარაძემ განაცხადა, საგაზაფხულო სესიისთვის, შესაძლოა მოხდეს საკითხის განხილვა.

“„ომბუდსმენის კანდიდატებთან დაკავშირებით გაიმართა კონსულტაციები [ოპოზიციასთან]. დარწმუნებით შემიძლია, შედეგი გითხრათ, რომ იმ ხუთი კანდიდატიდან, რომლებიდანაც შევთავაზეთ, რომ ამოერჩიათ ერთი კანდიდატურა, მხარი დაეჭირათ და ამის შემდეგ შესაძლებელი იყო საერთო კანდიდატზე შეჯერება, ჩვენმა ოპონენტებმა არ მოინდომეს არცერთ კანდიდატთან დაკავშირებით მხარდაჭერის დაფიქსირება.

აქედან გამომდინარე, ბუნებრივია, ჩვენ ვერ შევძლებთ ომბუდსმენის არჩევას. გავაგრძელებთ მუშაობას იმასთან დაკავშირებით, რომ საგაზაფხულო სესიაზე მაინც რამენაირად შევძლოთ, რომ საერთო კანდიდატზე ჩამოვყალიბდეთ“, – განაცხადა მამუკა მდინარაძემ.

ქართული ოცნების მიერ შერჩეული კანდიდატები არიან: ლელა გაფრინდაშვილი, თინათინ ერქვანია, ნუგზარ კოხრეიძე, გიორგი მარიამიძე, ქეთევან ჩაჩავა.

ხოლო ოპოზიციის: გიორგი ბურჯანაძე და ანა აბაშიძე.

სახალხო დამცველის მოვალეობას ამ ეტაპზე მოადგილე ასრულებს.

Next Post

პრემიერის დავალებით შეძენილი 25 მძლავრი გენერატორი უკრაინაში გაიგზავნა

ოთხ დეკ 21 , 2022
172 წაკითხვაპრემიერ-მინისტრ ირაკლი ღარიბაშვილის დავალებით, უკრაინაში გაიგზავნა 25 ცალი მაღალი სიმძლავრის გენერატორი, რომელიც სამრეწველო დანიშნულებისთვის გამოიყენება. “საქართველოს მთავრობა აგრძელებს უკრაინელი ხალხის აქტიურ მხარდაჭერას. დღეს, პრემიერ-მინისტრის დავალებით შეძენილი 25 ერთეული გენერატორი საქართველოდან უკრაინაში გაიგზავნა. საქართველოს ეკონომიკისა და მდგრადი განვითარების სამინისტროს სისტემაში შემავალმა „საქართველოს სახელმწიფო ელექტროსისტემამ უკრაინისთვის შეიძინა 1,5 მლნ ლარის საერთო ღირებულების სამრეწველო დანიშნულების გენერატორები. ეს არის მაღალი სიმძლავრის გენერატორი, რომლებიც […]