პენიტენციური სამსახური სააკაშვილის მიერ გავრცელებულ ინფორმაციასთან დაკავშირებით განცხადებას ავრცელებს

898 წაკითხვა

სპეციალური პენიტენციური სამსახური ეხმიანება მიხეილ სააკაშვილის მიერ გავრცელებულ ინფორმაციას პაემნების შეზღუდვასთან დაკავშირებით:

„მსჯავრდებულ მიხეილ სააკაშვილის ადვოკატის მიერ გავრცელებულ განცხადებასთან დაკავშირებით განვმარტავთ, რომ სამსახურის მიერ დაწესებულ, რაიმე ახალი სახის შეზღუდვის გამოყენებას ადგილი არ ჰქონია და გავრცელებული ინფორმაცია რეალობას არ შეესაბამება.

მსჯავრდებული მ. სააკაშვილი, საკუთარი უფლებების შესახებ, სრულად ინფორმირებულია. აღსანიშნავია, რომ სპეციალური პენიტენციური სამსახურის გენერალური დირექტორის ბრძანების შესაბამისად, მსჯავრდებულს სასჯელის შემდგომი მოხდა, დახურული ტიპის თავისუფლების აღკვეთის დაწესებულებაში განესაზღვრა. ,,პატიმრობის კოდექსის“ 65-ე მუხლის თანახმად კი, ის მსჯავრდებული, რომელიც სასჯელს დახურული ტიპის თავისუფლების აღკვეთის დაწესებულებაში იხდის თავსდება საკანში,  უფლება აქვს, ერთი თვის განმავლობაში ჰქონდეს ერთი ხანმოკლე პაემანი, ხოლო წახალისების ფორმით – თვეში ერთი, დამატებითი, ხანმოკლე პაემანი.

მსჯავრდებული მ.სააკაშვილი, ასევე, ინფორმირებულია, რომ ერთი წლის განმავლობაში შეუძლია ჰქონდეს ორი ხანგრძლივი პაემანი, ხოლო წახალისების ფორმით – წელიწადში ერთი, დამატებითი, ხანგრძლივი პაემანი.

მსჯავრდებულის ჯანმრთელობის მდგომარეობასთან დაკავშირებით, განვმარტავთ, რომ მ. სააკაშვილი იმყოფება N12 პენიტენციური დაწესებულების სამედიცინო პერსონალის მუდმივი მეთვალყურეობის ქვეშ.

მისივე თანხმობის შესაბამისად, უტარდება ლაბორატორიული მაჩვენებლების მონიტორინგი და ინსტრუმენტული დიაგნოსტიკა, იღებს სხვადასხვა ექიმ-სპეციალისტთა რეგულარულ კონსულტაციებს და მკურნალობს დანიშნულების შესაბამისად. აქვე, აღსანიშნავია, რომ მსჯავრდებული უარს აცხადებს ფსიქოთერაპევტის კონსულტაციაზე.”- ნათქვამია პენიტენციური სამსახურის განცხადებაში.

Next Post

„ახლა უკრაინას მისი მძარცველი ე.წ. "ელიტა" ტოვებს“ - დემურ გიორხელიძე

სამ თებ 15 , 2022
898 წაკითხვა დემურ გიორხელიძის პოსტი ფეისბუქში: პოსტსაბჭოთა ქვეყნები ერთნაირად დანაგვიანებული ქვეყნებია მენტალურად და მოქალაქეობრივი თვალსაზრისით! მხოლოდ საკუთარი ქვეყნის ძარცვა და დაკნინება – ყველა ქვეყანა ერთნაირად ნაგავი ელიტით იმართება ბოლო 30 წელია. ახლა უკრაინას მისი მძარცველი ე.წ. “ელიტა” ტოვებს – ის ნაგავი ელიტა, ბანდერა და შუხევიჩი რომ ეროვნულ გმირებად გამოაცხადეს, ევროპის უდიდესი სახელმწიფო გაძარცვეს, გაყიდეს და სახელმწიფო შიგნიდან გამოალპეს! ასეა! უმწიფარი […]