ნიკა გვარამია სალომე ზურაბიშვილს მიმართავს

200 წაკითხვა

დღეს, მიხეილ სააკაშვილს არ სჭირდება მხარდაჭერა, სიმპათია, სიყვარული. დღეს მას სჭირდება ერთადერთი – ემპათია.”- წერს ნიკა გვარამია ციხიდან, რომელიც მის ფეისბუქ გვერდზე გამოქვეყნდა.

წერილის ადრესატი პრეზიდენტი სალომე ზურაბიშვილია.

“სამწუხაროდ, ქართული საზოგადოების უმწიფარობა ჩანს იმაში, რომ ერთმანეთისგან ვერ ანსხვავებს სუბიექტურ განცდას და ობიექტურ საჭიროებას. ჩვენში სიმპათია ყოველთვის უდრის ემპათიას, (მაშინაც, როცა ემპათიას არ უნდა იწვევდეს), ხოლო ანტიპათია ყოველთვის უდრის ემპათიის არქონას. ემპათია კონტექსტუალურია. მისი განმსაზღვრელი ვითარებაა და არა აქტორები.

შეუძლებელია, საქართველოს პრეზიდენტს ეს არ ესმოდეს. შეუძლებელია, საქართველოს პრეზიდენტს სუბიექტურ განცდამდე (სააკაშვილის მიმართ პირად დამოკიდებულებამდე) დაყავდეს სიცოცხლის მხარეს დადგება თუ სიკვდილის, საზოგადოებრივი სიმშვიდის მხარეს დადგება თუ მასობრივი ფსიქოზის, ისტორიულად აუცილებელი გამოსავლის ავტორი იქნება თუ ისტორიის ტრაგიკული განვითარების.

არ შეიძლება, იცოდე, რომ სიკვდილსა და სიცოცხლეს შორის გამყოფი ხაზი შენი ხელმოწერაა და ეს ხელმოწერა არ გაიმეტო. წინასაახალწლოდ და წინასაშობაოდ, მითუმეტეს. ასე, უბრალოდ, არ შეიძლება.”- წერს ნიკა გვარამია.

Next Post

მიდი ზელენსკი, მიდი, ხომ ხედავ შენ გარეშე ჩავლპით - ლევან ბუთხუზი

სამ დეკ 27 , 2022
200 წაკითხვაბიოლოგ ლევან ბუთხუზის პოსტი სოციალურ ქსელში: “ჩვენ აი ის გლეხები ვართ, ქე რო ზელენსკი კალვერას დაბრიდავს და მაგ დროს რო გამოვხტებით და წალდებით რომ დავკლავთ ბიძოს და ამფსონებს. გოუ (მიდი) ზელენსკი, გოუ!!! ხომ ხედავ, შენ გარეშე ჩავლპით!”- წერს ლევან ბუთხუზი, რომელიც ამბობს, რომ მის პრეზიდენტად მხოლოდ ვოლოდიმირ ზელენსკის მიიჩნევს.

შესაძლოა მოგეწონოთ