გიორგი თავდგირიძის პოსტი ფეისბუქში:
როგორც ჩანს რუსეთი ცვლის ომის წარმოების გერასიმოვის სტრატეგიას, რომელიც თეორიულად სწორი იყო, მაგრამ არ ითვალისწინებდა რომ რუსეთის არმია არც ტექნოლოგიურად იყო მზად და არც ტაქტიკურად. სავარაუდოდ დაუბრუნდებიან ჩვეულ, მეორე მსოფლიო ომის დროინდელ ტაქტიკაზე დაყრდნობილ სტრატეგიას. დაიწყება მნიშვნელოვან სტრატეგიული პუნქტებისა და ქალაქების ნაბიჯ ნაბიჯ დაკავება. უკრაინული ქვედანაყოფების ბრძოლაში ჩათრევის და შემოვლითი ოპერაციებით განადგურების მცდელობა. ნელა, მაგრამ მეთოდურად. ეს გასაგებია, მაგრამ, საიდან აპირებენ ამისთვის საჭირო ცოცხალი ძალის მოყვანას? რუსეთი შეეცდება მოლაპარაკების დაწყებამდე რაც შეიძლება მეტი ტერიტორია დაიკავოს. მაგრამ არ ითვალისწინებს რომ ბრძოლები კი მიმდინარეობს უკრაინაში, ომი გაცდა რუსეთ, ბელარუსს, უკრაინის საზღვრებს.
