,,გავეცი პასუხი კითხვას, რომელიც მთელი ეს დღეები მღრღნიდა, მანადგურებდა, მტანჯავდა“ – ხათუნა ლაგაზიძე

321 წაკითხვა

თუ უკრაინა ნატოზე ამ ეტაპზე უარს ამბობს, იმიტომ, რომ ნატო ამბობს უარს უკრაინაზე, – ამის შესახებ ექსპერტი ხათუნა ლაგაზიძე სოციალურ ქსელში წერს.

,,გავეცი პასუხი კითხვას, რომელიც მთელი ეს დღეები მღრღნიდა, მანადგურებდა, მტანჯავდა: თუ უკრაინა ნატოზე ამ ეტაპზე უარს ამბობს, იმიტომ რომ ნატო ამბობს უარს უკრაინაზე, თან ეს ყველაზე მცირე და ამ ეტაპზე ყველაზე უმტკივნეულო დათმობაა უკრაინისთვის, რამაც შეიძლება პუტინს საკუთარ ამომრჩეველში სახე შეუნარჩუნოს; ვიქნებით თუ არა შემდეგი ჩვენ ნატოს უარყოფის გზაზე და რას ვეუბნებით ჩვენს ხალხს – სად მივდიოდით ამდენი წელი, რას ვეწირებოდით, ახლა რა შეგვრჩა ხელში, სადაა ჩვენი უსაფრთხოების გარანტიები?! მოდელი ბრიტანეთის ბრექსიტია – ინგლისის გამოსვლა ევროკავშირიდან, რომელმაც მას ხელ-ფეხი გაუხსნა მოძველებული და მოუქნელი ევროპული ბიუროკრატიის წნეხისგან და როგორც უკრაინის ომმა გვაჩვენა, გაცილებით ეფექტური გახადა! ჰოდა, უკრაინის ომი დასავლეთისთვის ტექტონიკური ძვრების მომხდენად იქცა, სადაც ყველას დაერქვა თავის სახელი, ყველას თავისი ხვედრითი წონა მიენიჭა, არა მარტო მიძინებული ღირებულებების გაცოცხლების თვალსაზრისით, არამედ – უსაფრთხოების ახალი არქიტექტურით, სადაც წამყვანი „ბებერი“ ევროპა ვეღარ იქნება, სამაგიეროდ იქნება ტონის მიმცემი უკრაინა, ბრიტანეთი და „ახალი ევროპა“ რუსეთის შეკავების თამამი და ეფექტური მექანიზმებით!

ახალი კოალიციები ახალი ევროპისთვის, სადაც ყველა ეცდება რომ რუსული მონსტრი აღარასოდეს აღორძინდეს და ის, რაც რუსეთისგან დარჩება, იქნება ჩინეთის უკანა ეზო, იმ ჩინეთის, რომელსაც რუსეთი საკუთარი ჯარისთვის საჭმელს სთხოვს! მსოფლიო, მათ შორის, ჩვენი სამეზობლო ახალი, რუსეთის გავლენებისგან თავისუფალი გადანაწილებისთვის ემზადება. ამას მოწმობს ბოლო დღეებში ერდოღანისა და ისრაელის პრეზიდენტის, ყაზახეთის ნაზარბაევისა და იმავე ერდოღანის შეხვედრები და ხაზგასმა ახალ შესაძლებლობებზე, რომელსაც მიმდინარე პროცესები ქმნის და ახლა ჩვენ, ყველა ჩვენი ადამიანური კაპიტალი, რომელიც კიდევ ღირებულია და კვოტირებს უკრაინასა და დასავლეთში, უნდა ავამოქმედოთ და გამოვიყენოთ იმისათვის, რომ საქართველო სხვების მიერ წამოგდებული წყალობის და მიჩენილი ადგილის იმედად კი არ უნდა დარჩეს, არამედ თავად მოვნახოთ ჩვენი ღირსეული, უსაფრთხო და წარმატებული ფუნქცია, როლი და ადგილი და ყველაფერი გავაკეთოთ ამ ადგილის დამკვიდრებისთვის! ახალი კოალიციები, ახალი, უსაფრთხო ევროპისთვის, აი, შანსი და აი, ადგილი!“, – წერს ლაგაზიძე.

Next Post

„გარეთ სხვა მასშტაბისა და სიღრმის პროცესებია, ეს ხალხი კი ერთი ცნობილი დაწესებულების პაციენტებს დაემსგავსა“ - დემურ გიორხელიძე

პარ მარ 18 , 2022
321 წაკითხვადემურ გიორხელიძის პოსტი ფეისბუქში: ახლა ვწერ, რაც დღეს დაგპირდით, რადგან რაც მინდოდა გამერკვია და გადამემოწმებინა ჩემი თავი, – გავაკეთე! ახლა მყარად ვწერ! 1. გასაღები მოვლენებისა უნდა ვეძიოთ 24 თებერვლამდე მიმდინარე მოვლენებში: აშშ და/ან რუსეთი ბავშვები არ არიან, ერთმანეთს თითი მიუშვირონ და აღიზიანონ: – “შენ ხვალ შეიჭრები ამ საათზე უკრაინაში” – “არა, მე არ ვაპირებ შეჭრას უკრაინაში” (გადის ეს დღე […]