The Times – კრემლმა მოლდოვაზე თავდასხმის გადაწყვეტილება მიიღო

670 წაკითხვა

რუსეთი ახალი ფრონტის გახსნას უკრაინის წინააღმდეგ მოლდოვადან შეეცდება, – ინფორმაციას The Times-ი უკრაინელ სამხედროებზე დაყრდნობით ავრცელებს.

„გვჯერა, რომ კრემლმა უკვე მიიღო გადაწყვეტილება მოლდოვაზე თავდასხმის შესახებ. მოლდოვას ბედი ძალიან გადამწყვეტია. თუ რუსები დაიწყებენ კონტროლის აღებას, ჩვენ ვიქნებით უფრო მარტივი სამიზნე სამხედრო თვალსაზრისით და უკრაინას ეგზისტენციალური საფრთხე დაემუქრება,“ – განაცხადა წყარომ გამოცემასთან საუბარში.

გავრცელებული ინფორმაციით, რუსეთმა შესაძლოა სცადოს მოლდოვაში შეჭრა 9 მაისის შემდეგ, როდესაც რუსეთი აღნიშნავს „გამარჯვების დღეს“. ამ დღეს პრეზიდენტმა ვლადიმერ პუტინმა შესაძლოა გამოაცხადოს დნესტრისპირეთის დამოუკიდებლობის აღიარება, რაც გამოიწვევს “დონბასის სცენარის” განვითარებას და პირდაპირ საფრთხეს შეუქმნის მოლდოვას ტერიტორიულ მთლიანობას.

წყაროს განმარტებით, მოლდოვაზე კონტროლის დაწესება გამოიწვევს რუსეთის ჯარების გადაადგილებას ოდესის შავი ზღვის პორტში.

ამავე დროს, გამოცემა აღნიშნავს, რომ ინფორმაცია არ ემთხვევა დასავლური დაზვერვის შეფასებებს, რომლის თანახმადაც რუსეთს არ აქვს საკმარისი შესაძლებლობები ამ მარშრუტის უსაფრთხოდ დასასრულებლად ოდესის რეგიონში უკრაინის საჰაერო თავდაცვის მიერ მისი თვითმფრინავების ჩამოგდების რისკის გარეშე. ასევე, საბრძოლო მასალის გადასატანად და ჯარების გადასაყვანად, რუსეთს სჭირდება სახმელეთო დერეფანი დროებით ოკუპირებული ხერსონიდან მიკოლაივის და ოდესის რეგიონების ნაწილის გავლით.

Next Post

„სამწუხაროდ, უკრაინის ხელისუფლების სხვადასხვა წარმომადგენელი ამ ძალისხმევაში ჩაბმული აღმოჩნდა“ - თეა წულუკიანი

ორშ მაი 2 , 2022
670 წაკითხვაგარკვეული ძალები უკვე მერამდენე კვირაა ცდილობენ, რომ საქართველო ჩააბან ომში და ამას დაარქვეს მეორე ფრონტი, – ამის შესახებ თეა წულუკიანმა „იმედის კვირასთან“ ინტერვიუში განაცხადა. საქართველოს ვიცე-პრემიერი მიიჩნევს, რომ საქმე გვაქვს კოორდინირებულ ძალისხმევასთან. „ეს განცხადებები აგრესიულია და ალბათ კიდევ უფრო აგრესიული გახდება, ვინაიდან ქვეყნის შიგნით ამ კოორდინირებულ ძალისხმევას მხარს უჭერს და ამ ყველაფრის მამოძრავებელი ძალაა „ნაციონალური მოძრაობა“. სამწუხაროდ, უკრაინის ხელისუფლების სხვადასხვა წარმომადგენელი ამ ძალისხმევაში […]