„ის, რაც დღეს ხდება — ნატოს ტვინის სიკვდილია“

11 Views

საფრანგეთის პრეზიდენტი ემანუელ მაკრონი ჟურნალ The Economist-თან ამ ხუთშაბათს გამოქვეყნებულ ინტერვიუში ამბობს, რომ ჩრდილოატლანტიკური ალიანსის წევრები აღარ უნდა იყვნენ ამერიკის მხრიდან მათი დაცვის იმედად.

«ის, რაც დღეს ხდება — ნატოს ტვინის სიკვდილია» — აღნიშნა მაკრონმა. მისი აზრით, ევროპა დაღუპვის პირთან დგას და უნდა იფიქროს საკუთარ თავზე, როგორც ერთიან გეოპოლიტიკურ ძალაზე, თორემ სხვა შემთხვევაში ევროპა თავის ბედს ვერ გააკონტროლებს.

ერთსაათიანი ინტერვიუს ფარგლებში, რომელიც ელისეს სასახლის მოოქროვილ კაბინეტში 21 ოქტომბერს შედგა, საფრანგეთის პრეზიდენტი ემოციურად ამტკიცებს, რომ «დროა, ევროპამ გაიღვიძოს». მაკრონმა უპასუხა კითხვას, სჯერა თუ არა მას ნატოს მე-5 მუხლის ეფექტურობისა, რომ თუკი თავდასხმა მოხდება ნატოს ერთ წევრზე, მას ალიანსის ყველა წევრი დაეხმარება; პასუხი ასევე გულახდილია: «არ ვიცი. არც ის ვიცი, ხვალ რა მნიშვნელობა ექნება ამ მუხლს».

აი ამას ამბობს საფრანგეთის პრეზიდენტი, საქართველოში კი არჩილ თალაკვაძე გვყავს, რომელმაც ბათუმში, ამავე ხუთშაბათს, საქართველოს თავდაცვისა და უსაფრთხოების (GDSC) რიგით მე-13 კონფერენციაზე განაცხადა:

«რუსეთი კვლავ რჩება უდიდეს საფრთხედ ჩვენი უსაფრთხოებისათვის და აგრძელებს მავთულხლართების გაყვანას. თუმცა, წარმოვადგენთ რა იმ ერს, რომელიც მიისწრაფის დემოკრატიის, ტოლერანტობისა და სამართლიანობის პრინციპებისადმი, ჩვენ არ უნდა შეგვეშინდეს და არ უნდა დავიხიოთ უკან. მიუხედავად ყველაფრისა, ჩვენი ინიციატივა „ნაბიჯი უკეთესი მომავლისკენ“ წარმოადგენს საქართველოს განაცხადს კონფლიქტების მშვიდობიანი მოგვარების პოლიტიკის თაობაზე, და უდიდეს შესაძლებლობებსა და სარგებელს სთავაზობს ოკუპირებულ რეგიონებში მცხოვრებელ საქართველოს მოქალაქეებს. ჩვენ გვწამს, რომ ჩვენი პარტნიორები კრემლს გადასცემენ ნათელ გზავნილს, რომ ევროპაში საზღვრების შეცვლა ოკუპაციისა და აგრესიის გზით სრულიად მიუღებელია, და გვწამს, რომ ჩვენი პარტნიორები დაარწმუნებენ რუსეთს, იმოქმედოს საერთაშორისო წესრიგის ფარგლებში“.

«ნიუსფრონტი»

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Next Post

გიორგი ლაღიძე - „ივანიშვილის ხელისუფლება წასასვლელია, მათ ხალხის იმედები ვერ გაამართლეს“

პარ ნოე 8 , 2019
11 Viewsპარტია „მომავალი საქართველოს“ ლიდერი გიორგი ლაღიძე  აცხადებს, რომ მომავალ საპარლამენტი არჩევნებზე მისი პარტია მნიშვნელოვან შედეგს აჩვენებს. რა გაძლევთ ამ განცხადების გაკეთების საფუძველს? „პირველ რიგში, ჩვენი საზოგადოება არის მოტყუებული და იმედგაცრუებული „ქართული ოცნების“ მხრიდან. შესაბამისად, მმართველმა პოლიტიკურმა ძალამ დაკარგა რეიტინგი. ასევე, ჩვენი საზოგადოება დაიღალა იმ პოლიტიკოსების ყურებით, ვინც ამ წლების განმავლობაში იყო ხელისუფლებაში, ამჟამად ოპოზიციაშია და ცდილობს ხელისუფლებაში დაბრუნებას. საზოგადოებას […]

mediapress.ge@gmail.com