„საზოგადოებამ უნდა იცოდეს, რომ ჯერ ერთი, ზელენსკის ასეთი თხოვნით არ მოუმართავს“

212 წაკითხვა

რასაკვირველია, სწორი გადაწყვეტილება მივიღეთ, როდესაც ზელენსკის პარლამენტში გამოსვლის საკითხი პოზიტიურად არ განვიხილეთ – ადამიანი, რომელიც ამბობს, რომ ხალხმა ხელისუფლებაზე უნდა გაიმარჯვოს და მხედველობაში არ იღებს, რა გააკეთა ხელისუფლებამ ამ პერიოდში, ხელისუფლების მხრიდან ასეთი გადაწყვეტილების მიღება სწორი არ იქნებოდა, – ასე პასუხობს პარლამენტის პირველი ვიცე-სპიკერი გია ვოლსკი პრეზიდენტს სალომე ზურაბიშვილს, რომელმაც „პალიტრანიუსთან“ ინტერვიუში განაცხადა, რომ საქართველოს პარლამენტს ზელენსკი უნდა მოეწვია.

ვოლსკი იმასაც ამბობს, რომ ზურაბიშვილის განცხადების არსი, რომ ხელისუფლებამ უკრაინის მიმართ რაიმე შეცდომა დაუშვა, მისსავე განცხადებას ეწინააღმდეგება, როცა სულ ახლახან აღნიშნა, რომ საქართველოს უკრაინის დასახმარებლად ყველა რესურსი გამოყენებული აქვს.

„თუკი ამბობ, რომ საქართველოს პარლამენტში ზელენსკის გამოსვლა უნდა დაგვეშვა, მან და საზოგადოებამ უნდა იცოდეს, რომ ჯერ ერთი, ზელენსკის ასეთი თხოვნით არ მოუმართავს და მეორეც, მან საკმაოდ აგრესიული განცხადებები გააკეთა. იმის მიუხედავად, რომ უკრაინაში მდგომარეობა რთულია, ჩვენ მათთვის არც პოლიტიკური, არც ჰუმანიტარული და არც ადამიანური მხარდაჭერა არ დაგვიკლია“, – განაცხადა გია ვოლსკიმ.

კომენტარის დატოვება

თქვენი ელფოსტის მისამართი გამოქვეყნებული არ იყო.

Next Post

პარლამენტის კომიტეტში ეროვნული ბანკის საბჭოს წევრის თანამდებობაზე ასარჩევად წარდგენილ ნათია თურნავას მოუსმენენ

ორშ ივნ 6 , 2022
212 წაკითხვაპარლამენტის საფინანსო საბიუჯეტო კომიტეტის დღევანდელ სხდომაზე ეროვნული ბანკის საბჭოს წევრის თანამდებობაზე ასარჩევად წარდგენილ ნათია თურნავას მოუსმენენ. თურნავას კანდიდატურა პრეზიდენტის წარდგინებით პარლამენტში მაისის ბოლოს შევიდა და საკითხი განსახილველად დარგობრივი ეკონომიკისა და საფინანსო-საბიუჯეტო კომიტეტებს გადაეცა. ეროვნული ბანკის საბჭოს წევრებს პრეზიდენტის წარდგინებით პარლამენტი 7 წლის ვადით ირჩევს. ეროვნული ბანკის საბჭოში ორი ადგილი ვაკანტურია. საბჭო, რომელიც 9 წევრით უნდა იყოს წარმოდგენილი, ამჟამად 7 წევრისგან შედგება. ნათია […]

შესაძლოა მოგეწონოთ

mediapress.ge@gmail.com