კელი დეგნანი – მინდა, გარკვევით განვაცხადო, აშშ არ ცდილობს საქართველოს ჩათრევას უკრაინის წინააღმდეგ რუსეთის ომში

328 წაკითხვა

მსურს ვუპასუხო არასერიოზულ ნარატივს, რომელიც როგორც ჩანს, პირდაპირ რუსეთის ფედერალური უსაფრთხოების სამსახურის დეზინფორმაციის სახელმძღვანელოდანაა. მინდა, გარკვევით განვაცხადო, შეერთებული შტატები არ ცდილობს საქართველოს ჩათრევას უკრაინის წინააღმდეგ რუსეთის ომში. შეერთებულ შტატებს არ სურს ამ ომის გავრცელება არსად, შეერთებული შტატები ყველაფერს აკეთებს ამ ომის რაც შეიძლება სწრაფად შესაჩერებლად, – ამის შესახებ საქართველოში აშშ-ის ელჩმა, კელი დეგნანმა განაცხადა.

მისი თქმით, ეს სასტიკი და აგრესიული ომი პუტინმა დაიწყო და მასვე შეუძლია შეაჩეროს.

„შეერთებული შტატები და ევროპა ვაკეთებთ ყველაფერს, რაც შეგვიძლია იმისთვის, რომ დავეხმაროთ საქართველოს ევროატლანტიკური ინტეგრაციის გზაზე და გავაგრძელებთ ამის გაკეთებას. ვფიქრობ, ძალიან მნიშვნელოვანია, ქართველებს ახსოვდეთ, რომ საქართველოს ტერიტორიის 20 % რუსეთს აქვს ოკუპირებული, რუსეთია ის, ვინც ცდილობს თქვენი ენის მოკვლას, სწორედ რუსეთია, რომელმაც შეურაცხყო თქვენი ეკლესიებ ცხოველების სადგომად მათი გამოყენებით.

თუ არსებობს რაიმე კითხვები, თუ რას ნიშნავს რუსეთის მეგობრობა საქართველოსთვის, მაშინ უბრალოდ უნდა შეხედოთ ადმინისტრაციულ სასაზღვრო ზოლს, რომ დაინახოთ. თქვენი მეგობრები აშშ-სა და ევროპაში არიან. ეს არის გზა საქართველოს მშვიდობის, სტაბილურობისა და კეთილდღეობისკენ,“- აღნიშნა ელჩმა.

Next Post

„რაც შეეხება ლოკალურ ინციდენტებს, იმის დაბრალება, რომ ეს თითქოს „ქართული ოცნების“ მიერ არის ორგანიზებული, პოლარიზაციის ერთ-ერთი ნაწილია“

ხუთ ივნ 30 , 2022
328 წაკითხვაპარლამენტის თავმჯდომარის შალვა პაპუაშვილის განცხადებით, როდესაც ოპოზიცია თავად ახდენს პოლარიზაციის პიკში აყვანას და შემდეგ უკვირს, ამ პოლარიზაციის გამო რომ მოქალაქეებთან კონფლიქტი აქვს, ეს არათუ არათანმიმდევრული, არამედ პარადოქსული დამოკიდებულებაა. პაპუაშვილის განმარტებით, მისთვის უცნობია იმ ადამიანთა ვინაობა, რომლებიც ოპოზიციას მოქალაქეებთან შეხვედრისას დაუპირისპირდა. „რაც შეეხება ლოკალურ ინციდენტებს, იმის დაბრალება, რომ ეს თითქოს „ქართული ოცნების“ მიერ არის ორგანიზებული, პოლარიზაციის ერთ-ერთი ნაწილია იმ დღის წესრიგისა, რომელიც ოპოზიციას […]