1,182 წაკითხვა
ზოგიერთი დასავლური ქვეყანა იწყებს იმის გაცნობიერებას, რომ რუსეთისა და ბელარუსის გარეშე უსაფრთხოების არქიტექტურის აშენება შეუძლებელია, – რუსული მედიის ინფორმაციით, ამის შესახებ რუსეთის საგარეო საქმეთა მინისტრმა, სერგეი ლავროვმა ბელარუსის ლიდერ ალექსანდრ ლუკაშენკოსთან შეხვედრაზე განაცხადა.
„მათ [დასავლეთში] ეს ესმით. სულ უფრო და უფრო მეტი საღად მოაზროვნე ადამიანია, რომლებიც უკვე იწყებენ ფიქრს: „რა იქნება შემდეგი, როცა ეს სიტუაცია დასრულდება? საჭიროა ფიქრი საერთოევროპულ თანამშრომლობაზე“. არ ვიცი, რა თანამშრომლობაზეა საუბარი, დღევანდელ პირობებში ძნელი წარმოსადგენია, მაგრამ ფაქტია, რომ ჩვენ გარეშე უსაფრთხოების აშენება შეუძლებელია და ეს არის ის, რის გაცნობიერებასაც ბევრი იწყებს“, – განაცხადა ლავროვმა.
