საპარლამენტო ოპოზიციის დეპუტატები „საერთო სასამართლოების შესახებ“ ორგანულ კანონში ცვლილებების წინააღმდეგ საკონსტიტუციო სარჩელს ამზადებენ

75 წაკითხვა

საპარლამენტო ოპოზიციის დეპუტატები „საერთო სასამართლოების შესახებ“ ორგანულ კანონში განხორციელებული ცვლილებების შესახებ საკონსტიტუციო სარჩელს ამზადებენ. დეპუტატების და სამართლის ექსპერტების მონაწილეობით დღეს საქართველოს პარლამენტში სარჩელთან დაკავშირებით სამუშაო შეხვედრა გაიმართა.

შეხვედრაში მონაწილეობდნენ დეპუტატები: ანა ნაცვლიშვილი, თამარ კორძაია, პაატა მანჯგალაძე, ლევან ბეჟაშვილი, ანა ბუჩუკური.

საკონსტიტუციო სარჩელის წარდგენის უფლებამოსილება მინიმუმ 30 დეპუტატს აქვს, ინიციატორი დეპუტატების განცხადებით, სარჩელზე ხელმოწერასთან დაკავშირებით მათ კონსულტაციები აქვთ საპარლამენტო ოპოზიციის ყველა წარმომადგენელთან და ხელმოწერები უახლოეს დღეებში შეგროვდება.

სარჩელი „დემოკრატიის ინდექსი – საქართველოს“ და დამოუკიდებელი იურისტების ჯგუფის წევრების მიერ მომზადდა. აღნიშნული ორგანიზაციები ასევე განახორციელებენ დეპუტატების წარმომადგენლობას საკონსტიტუციო სასამართლოში. სადავო ცვლილებები, რომელსაც დეპუტატები საკონსტიტუციო სასამართლოში გაასაჩივრებენ, გასული წლის დეკემბერში იქნა ინიცირებული „ქართული ოცნების“ რამდენიმე დეპუტატის მიერ და დაჩქარებული წესით მიიღო საქართველოს პარლამენტმა.

კომენტარის დატოვება

თქვენი ელფოსტის მისამართი გამოქვეყნებული არ იყო.

Next Post

აგვისტოში, რუსეთიდან 30 ათასი ტონა ხორბალი შემოვიდა

ხუთ სექ 8 , 2022
75 წაკითხვაგარემოს დაცვისა და სოფლის მეურნეობის მინისტრის მოადგილის, გიორგი ხანიშვილის განცხადებით, აგვისტოში, რუსეთიდან 30 ათასი ტონა ხორბლის იმპორტი განხორციელდა. როგორც „ინტერპრესნიუსთან“ საუბრისას გიორგი ხანიშვილმა აღნიშნა, იმპორტის დადებითი ტენდენცია ნარჩუნდება და სექტემბრის პირველ კვირაში საქართველოში რუსეთიდან 11 ათასი ტონა ხორბალი შემოვიდა. „ბოლო თვეების განმავლობაში იმპორტი ფაქტობრივად შეწყვეტილი იყო. აგვისტოს თვეში მდგომარეობა რადიკალურად შეიცვალა. აგვისტოში 30 ათასი ტონა ხორბალი შემოვიდა. მათ შორის შემოვიდა, […]