ირაკლი კობახიძე ნიკა მელიაზე – ყველაფერი, რაც უ-ზე იწყება, ამ კაცს მიესადაგება

75 წაკითხვა

ჩვენ თვეების მანძილზე ვიყენებდით ტერმინ „უსამშობლოს“ და ახლაც ვიყენებთ ამ პოლიტიკური ძალის მიმართ. ესეც აჩვენებს კაცობის დეფიციტს, როდესაც შენს ტერმინს ვერ მოიფიქრებ და გინდა სხვისი ტერმინი შეატრიალო, – ასე აფასებს „ქართული ოცნების“ თავმჯდომარე ირაკლი კობახიძე „ნაციონალური მოძრაობის“ თავმჯდომარე ნიკა მელია განცხადებას, რომელმაც კობახიძეს უსამშობლო უწოდა.

ირაკლი კობახიძის თქმით, ნიკა მელია არის „კაცის კაცი და არა პარტიის ლიდერი, არამედ ფორმალური თავმჯდომარე“.

„ნაციონალური მოძრაობის” თავმჯდომარე არის კაცის კაცი და არა პარტიის ლიდერი, არამედ ფორმალური თავმჯდომარე. რეალური ლიდერი არის მიხეილ სააკაშვილი, რომელსაც თავად ასე ძლიერ ვერ იტანს. ასეთი ადამიანი ვერ იქნება ვერც ღირსების მატარებელი, ვერც სამშობლოს მოყვარული და ვერც ვერაფერი. ყველაფერი, რაც უ-ზე იწყება, მიესადაგება სწორედ ამ კაცს და ამ პოლიტიკურ პარტიას, რომლის ფორმალური თავმჯდომარეც არის“, – აღნიშნა ირაკლი კობახიძემ.

შეგახსენებთ, „ქართული ოცნების“ თავმჯდომარემ, ირაკლი კობახიძემ განაცხადა, რომ თეორიულად იმის დაშვება, რომ საქართველოს ცხინვალსა და აფხაზეთში ომი მოუწიოს, ნიშნავს არა მხოლოდ რუსულ საოკუპაციო ძალებთან, არამედ აფხაზებთან და ოსებთან ომს.

„როდესაც ჩვენ ღირებულებით ჭრილში შეშფოთებული ვართ იმით, რომ რუსები ესვრიან უკრაინელებს, ზუსტად ამ ჭრილში უნდა განვიხილოთ ასეთი თეორიული ვერსიაც, რომ ქართველი ესვრის აფხაზს და ქართველი ესვრის ოსს“, – განაცხადა კობახიძემ.

აღნიშნულ განცხადებას გამოეხმაურა „ნაციონალური მოძრაობის“ თავმჯდომარე ნიკა მელია.

„კობახიძე ისე დააბრმავა მტრის მსახურებამ, რომ იმ უდიდეს განსხვავებასაც ვერ ხედავს, რაცაა რუსეთსა და საქართველოს შორის – უკრაინა რუსეთი არაა, აფხაზეთი და ცხინვალის რეგიონი კი – საქართველოა და ამ უსამშობლოს ესეც ვერ გაუგია, ან არ უნდა, რომ გაიგოს“, – განაცხადა მელიამ.

კომენტარის დატოვება

თქვენი ელფოსტის მისამართი გამოქვეყნებული არ იყო.

Next Post

„კასპერსკის ლაბორატორიამ“ აღმოაჩინა გამომძალველთა ორი ახალი კიბერჯგუფი

ხუთ სექ 15 , 2022
75 წაკითხვა „კასპერსკის ლაბორატორიამ“ აღმოაჩინა ორი ახალი გამოსასყიდი კიბერჯგუფი, რომლებსაც შეუძლიათ სხვადასხვა ოპერაციულ სისტემაზე თავდასხმა ერთდროულად, მრავალპლატფორმული ენების გამოყენების გარეშე. ამავე დროს, მათი პროგრამული უზრუნველყოფა იწერება მარტივ ენებზე. კომპანიის ექსპერტების აზრით, პირველი ჯგუფი იყენებს მავნე პროგრამა RedAlert -ს, რომელიც დაწერილია C ენაზე. მეორე მავნებელი, რომელიც აღმოაჩინეს 2022 წლის ივლისში, არის Monster-ი და დაწერილია Delphi-ზე. Monster-ის დამახასიათებელი ნიშანია მისი გრაფიკული ინტერფეისი. […]