გია ვოლსკი – პიარკომპანია იმიტომ დაიქირავეს, რომ სააკაშვილთან დაკავშირებით ის აბდაუბდა განცხადებები ჩაანაცვლოს, რაც მის ჭკუანაკლულ ადვოკატებს და ოჯახის წევრებს თუ მეგობრებს აქვთ

79 წაკითხვა

პიარკომპანია იმიტომ დაიქირავეს, რომ ის აბდაუბდა განცხადებები ჩაანაცვლოს, რაც მის ჭკუანაკლულ ადვოკატებს და ოჯახის წევრებს თუ მეგობრებს აქვთ, – ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებთან, ყოფილ პრეზიდენტ მიხეილ სააკაშვილზე საუბრისას განაცხადა.

ვოლსკის თქმით, მსგავსმა განცხადებებმა თავად მიხეილ სააკაშვილი დააზიანა.

„პიარკომპანია იმიტომ დაიქირავეს, რომ აბდაუბდა განცხადებები ჩაანაცვლოს, რომელიც მის ჭკუანაკლულ ადვოკატებს აქვთ, აბდაუბდა განმარტებები, რომელიც ოჯახის წევრებს თუ მეგობრებს გააჩნიათ, რომელმაც უმძიმეს მდგომარეობაში ჩააყენა თვითონ „ნაცმოძრაობა“ და პერსონალურად სააკაშვილი. სააკაშვილი გამოიტყუეს უკრაინიდან იმის რწმენით, რომ რევოლუციას მოახდენდა და მუდმივად უჩიჩინებდნენ იმას, რომ აღმოსავლეთის ლიდერია, ვაშინგტონია და ის რესურსი გააჩნია, რომ საქართველოში ხელისუფლება ამოატრიალოს. შემდეგ მუდმივად უჩიჩინებდნენ, რომ მისი თვითდაზიანება აუცილებელია ამ ბრძოლისთვის, რომ თუკი შიმშილობაზე უარს იტყვის, ეს იქნება დიდი იდეის, „ნაცმოძრაობის“ იდეის ღალატი. შემდეგ კი გამოაცხადეს ჭკუანაკლულად თავისივე პარტიის წევრებმა, რა კომენტარებს და განცხადებებსაც აკეთებდნენ. ამ ყველაფერმა შექმნა დამოკიდებულება მათ მიმართ. ახლა პიარისთვის გაურკვეველ კომენტარებს ასაჯაროებენ და პიარკომპანიის დაქირავების იდეაც ამიტომ გაჩნდა, რომ მან წარმართოს პიარი და არა ადამიანებმა, რომლებსაც საერთოდ წარმოდგენა არ აქვთ, რა არის საჭირო საქართველოს ინტერესებთან დაკავშირებით ამ ქვეყნისთვის. მათი ერთადერთი მიზანია, როგორმე ისარგებლოს კეზერაშვილის მიერ დაფინანსებულმა „ნაცმოძრაობამ“. აბდაუბდა საუბარი უნდა ჩაანაცვლოს ალბათ, კარგად დაფინანსებულმა პიარმა. ესეც მოიფიქრა ალბათ, იმ ჯგუფმა, რომელიც რეალურად მართავს სააკაშვილის გარშემო გაერთიანებულ პოლიტიკურ ძალას,“ – განაცხადა ვოლსკიმ.

ვოლსკი „ნაციონალურ მოძრაობაში“ მიმდინარე პროცესებსაც გამოეხმაურა და აღნიშნა, რომ „ნაციონალური მოძრაობის“ წევრები ქვეყნის დაზიანებაში ერთმანეთს ეჯიბრებიან და „ვერ შეარჩიეს ადამიანი, რომელსაც გარკვეული ინტელექტუალური რესურსი გააჩნია ნებისმიერ საკითხზე მსჯელობისას, რომელიც ქვეყნის ინტერესებს შეესაბამება საგარეო პოლიტიკა იქნება, თუ ეკონომიკა“.

„აშკარად ჩანს, რომ „ნაცმოძრაობა“ არის გაღატაკებული, როგორც პოლიტიკური სუბიექტი და ჩამოყალიბდა, როგორც დესტაბილიზაციის მსურველი გუნდი. ისინი ერთმანეთს შეუნახავენ თუ არა ნამუსსა და სინდისს, ეს ვერანაირად ვერ განაპირობებს ნამუსისა და სინდისის არსებობას პარტიაში,“ – განაცხადა ვოლსკიმ.

Next Post

დააგვიანეთ მეგობრებო - ელისო კილაძე ნაც.მოძრაობას

პარ დეკ 2 , 2022
79 წაკითხვაელისო კილაძე “ნაციონალურ მოძრაობას მიმართავს და მიხეილ სააკაშვილის დისტანცირების მის ვერსიაზე საუბრობს. “ჩემი აზრით, მიშა სწორად იქცევა, როცა ხაზს უსვამს რომ მისი ჯანმრთელობის მდგომარეობით პოლიტიკური სპეკულაციები დაუშვებელია! რატომ ასე მკვეთრად? – ერთი რომ მას უნდა ექსპერტების დასკვნა იყოს სასამართლო პროცესზე დომინანტი და არა პოლიტიკური მდგენელი! მეორე და მთავარი-დააგვიანეთ, მეგობრებო! როცა მას სჭირდებოდა,არც გათავისუფლების კომიტეტი შექმენით, არც აქციები გამართეთ და […]

შესაძლოა მოგეწონოთ