“ნაციონალური მოძრაობის” წევრი ეკა ხერხეულიძე ამბობს, რომ მიხეილ სააკაშვილის ფოტოები, რომელიც “ფორმულა”-მ გაავრცელა არის ძველი და არ ასახავს მის ამჟამინდელ მდგომარეობას. ამის შესახებ ის სოციალურ ქსელში წერს:
“მაქსიმალურად თავშეკავებით ვიტყვი- ფოტო,რომელიც გავრცელდა, არ ასახავს საქართველოს მესამე პრეზიდენტის ამჟამინდელ მდგომარეობას.
მეტი პასუხისმგებლობა მართებთ,როცა ადამიანის ბედი წყდება და საზოგადოების მაღალ ინტერესს ძველი ფოტოების ტირაჟირებით აკმაყოფილებენ.
ნეტაv,ისეთ მდგომარეობაში იყოს მიშა,როგორსაც ფოტოზე ვხედავთ.ადამიანი იმის ნახევარია
იმედია,შეცდომაში შეყვანილი მედია დროულად დაადგენს ფოტოს გადაღების თარიღს. განვმეორდები-ნეტა,ასე გამოიყურებოდეს დღეს მიშა”– წერს ეკა ხერხეულიძე.
ფოტოებთან დაკავშირებით ასევე ინფორმაციას ავრცელებს ელისო კილაძე და ამბობს, რომ ეს არის 3 თვის წინანდელი, როდესაც მას ექსპერტიზა უტარდებოდა.