დიმიტრი პესკოვი აცხადებს, რომ შავ ზღვაში ამერიკული დრონის ინციდენტი რუსეთთან კონფლიქტში ამერიკის პირდაპირი მონაწილეობის ნიშანია

346 წაკითხვა

კრემლის პრეს-სპიკერმა დიმიტრი პესკოვმა გასულ კვირას შავ ზღვაში ამერიკული დრონის ინციდენტზე საუბრისას განაცხადა, რომ ეს რუსეთთან კონფლიქტში ამერიკის პირდაპირი მონაწილეობის ნიშანია.

“აშკარაა, რას აკეთებენ ეს დრონები და მათი მისია სულაც არ არის მშვიდობიანი მისია საერთაშორისო წყლებში გადაზიდვის უსაფრთხოების უზრუნველსაყოფად.

სინამდვილეში, ჩვენ ვსაუბრობთ ამ დრონების ოპერატორების პირდაპირ ჩართულობაზე კონფლიქტში და ჩვენს წინააღმდეგ”, – განაცხადა პესკოვმა.

შეგახსენებთ, გასულ კვირას რუსული გამანადგურებელი თვითმფრინავი ამერიკულ დრონს შეეჯახა, რის შედეგადაც ამერიკული უპილოტო საფრენი აპარატი შავ ზღვაში ჩამოვარდა. პენტაგონის განმარტებით, დრონი საერთაშორისო საჰაერო სივრცეში რუტინულ მისიას ასრულებდა, როდესაც რუსული Su-27 ტიპის ორი გამანადგურებელი მისთვის დაბრკოლების შექმნას შეეცადა.

მედიის ცნობით, უკრაინაში ომის დაწყების შემდეგ, ეს პირველი ცნობილი პირდაპირი სამხედრო შეტაკებაა ამერიკულ და რუსულ მხარეებს შორის.

Next Post

დიმიტრი მედვედევი - სავსებით შესაძლებელია წარმოვიდგინოთ ჰააგის სასამართლოს შენობაზე ზებგერითი რაკეტის წერტილოვანი გამოყენება - მოსამართლეებო, ყურადღებით უყურეთ ცას

ორშ მარ 20 , 2023
346 წაკითხვასავსებით შესაძლებელია წარმოვიდგინოთ ჰააგის სასამართლოს შენობაზე ჩრდილოეთის ზღვაში მდებარე რუსული ხომალდიდან „ონიქსის“ ზებგერითი რაკეტის წერტილოვანი გამოყენება , – ამის შესახებ რუსეთის ფედერაციის უშიშროების საბჭოს თავმჯდომარის მოადგილემ დიმიტრი მედვედევმა განაცხადა. მისივე თქმით, სისხლის სამართლის საერთაშორისო სასამართლოს გადაწყვეტილებას, რომლის მიხედვითაც გაცემულია პუტინის დაპატიმრების ორდერი, საშინელი შედეგები ექნება საერთაშორისო სამართლისთვის. „ეს არის საფუძვლების, სამართლის პრინციპების კოლაფსი, მათ შორის, პასუხისმგებლობის გარდაუვალობის პოსტულატების”, – აღნიშნა […]

შესაძლოა მოგეწონოთ