143 წაკითხვა
შეერთებული შტატები ძლიერი, დამოუკიდებელი მედიის მტკიცე დამცველია. ჩვენ ასევე პროფესიონალი, ეთიკური ჟურნალისტების მტკიცე დამცველები ვართ. ეს კომბინაცია უზრუნველყოფს, რომ საზოგადოებამ მიიღოს სწორი, დაბალანსებული ინფორმაცია, – ამის შესახებ საქართველოში აშშ-ის ელჩმა, კელი დეგნანმა განაცხადა, რომელსაც შეკითხვა რამდენიმე მედია საშუალების წარმომადგენლებისთვის პარლამენტში აკრედიტაციის გაუქმებასთან დაკავშირებით დაუსვეს.
„რა თქმა უნდა, პარლამენტში შესაბამისი წესების დაწესება პარლამენტის თავმჯდომარის გადასაწყვეტია. როდესაც ცხადდება წესები, მნიშვნელოვანია, როგორ ხორციელდება ისინი. ვფიქრობ, უნდა ვნახოთ, თუკი ისინი ხორციელდება სამართლიანად და მიუკერძოებლად“, – აღნიშნა ელჩმა.
