ალუდა ღუდუშაური – ევროკავშირის ანგარიშში პოზიტიურადაა შეფასებული ნაბიჯები, რაც ჩვენ გადავდგით, რადიკალური ოპოზიციის ხელმოცარული წარმომადგენლები ამ პოზიტივშიც ვერ ხედავენ საკუთარ თავს

193 წაკითხვა

ევროკავშირის ანგარიშში პოზიტიურადაა შეფასებული ნაბიჯები, რაც ჩვენ გადავდგით, რადიკალური ოპოზიციის ხელმოცარული წარმომადგენლები ამ პოზიტივშიც ვერ ხედავენ საკუთარ თავს, – ამის შესახებ საპარლამენტო უმრავლესობის წევრმა ალუდა ღუდუშაურმა განაცხადა, რითაც ევროკავშირის ანგარიშს გამოეხმაურა.

მისი თქმით, ოპოზიცია არ მონაწილეობდა რეკომენდაციების შესრულებაში.

„ანგარიშში პოზიტიურადაა ის ნაბიჯები შეფასებული, რომელიც ჩვენ და ქვეყანამ გადავდგით და ამაში არის ძალიან წვლილი იმისა, რომ ქართველ ხალხთან ერთად ჩვენ, პასუხისმგებლიანმა პოლიტიკურმა ძალამ ვიმუშავეთ ქვეყნის და ხალხის ინტერესებიდან გამომდინარე. პრობლემა სწორედ აქაა, რომ რადიკალური ოპოზიციის ხელმოცარული წარმომადგენლები ამ პოზიტივშიც ვერ ხედავენ საკუთარ თავს. დარწმუნებული ვარ, პოზიტიური ასპექტები რაც ანგარიშში არის გამოხატული, მათთვის არის კოვზის ნაცარში ჩავარდნის მკაფიო გამოხატულება. ხელმოცარული ოპოზიციის ქმედებები და განცხადებები აჩვენებს იმას, თუ როგორი არ უნდა იყოს პოლიტიკოსი და პოლიტიკური ძალა,”- განაცხადა ღუდუშაურმა.

ევროკავშირი მსოფლიოში ადამიანის უფლებებისა და დემოკრატიის მდგომარეობის შესახებ 2022 წლის ანგარიშს აქვეყნებს.

ანგარიშის თანახმად, ზოგადად, საქართველოში ადამიანის უფლებათა მყარი სისტემა არსებობს, რომელიც საერთაშორისო და ევროპულ სტანდარტებთან შესაბამის კანონებსა და პოლიტიკას მოიცავს, თუმცა, მათი აღსრულება/განხორციელება რამდენიმე მიმართულებით უნდა გაძლიერდეს.

ანგარიშში აღნიშნულია, რომ შემდგომი ძალისხმევა საჭიროა სასამართლო რეფორმების, კორუფციასთან ბრძოლის და სახელმწიფო ინსტიტუტების დამოუკიდებლობის გაძლიერების სფეროებში.

Next Post

შალვა პაპუაშვილი - ISFED-ის დონორმა, USAID-მა მინიმუმ 3 კვირით ადრე იცოდა, რომ ხმების პარალელური დათვლის შედეგები სწორი არ იყო და დღემდე არ მოგვისმენია განმარტება, რატომ უმალავდნენ ქართულ საზოგადოებას ამას

ოთხ აგვ 2 , 2023
193 წაკითხვაპარლამენტის თავმჯდომარის შალვა პაპუაშვილის განცხადებით, საპარლამენტო არჩევნებიდან 40-ე დღეს აღიარა ISFED-მა, რომ შედეგები, რომელიც მათ გამოაცხადეს, სწორი არ იყო და ეს აღიარება მას შემდეგ მოხდა, რაც პარლამენტი შეიკრიბა. „ზუსტად პარლამენტის შეკრების დღეს, საღამოს აღიარა ISFED -მა თავის ე.წ. შეცდომა. ჩვენ შემდეგ გავარკვიეთ, რომ როგორც აღმოჩნდა, ამ მომენტამდე მინიმუმ 3 კვირით ადრე ISFED -ის დონორმა ამერიკის საერთაშორისო განვითარების სააგენტომ იცოდა, რომ ეს ინფორმაცია […]

შესაძლოა მოგეწონოთ