შალვა პაპუაშვილი – ISFED-ის დონორმა, USAID-მა მინიმუმ 3 კვირით ადრე იცოდა, რომ ხმების პარალელური დათვლის შედეგები სწორი არ იყო და დღემდე არ მოგვისმენია განმარტება, რატომ უმალავდნენ ქართულ საზოგადოებას ამას

309 წაკითხვა

პარლამენტის თავმჯდომარის შალვა პაპუაშვილის განცხადებით, საპარლამენტო არჩევნებიდან 40-ე დღეს აღიარა ISFED-მა, რომ შედეგები, რომელიც მათ გამოაცხადეს, სწორი არ იყო და ეს აღიარება მას შემდეგ მოხდა, რაც პარლამენტი შეიკრიბა.

„ზუსტად პარლამენტის შეკრების დღეს, საღამოს აღიარა ISFED -მა თავის ე.წ. შეცდომა. ჩვენ შემდეგ გავარკვიეთ, რომ როგორც აღმოჩნდა, ამ მომენტამდე მინიმუმ 3 კვირით ადრე ISFED -ის დონორმა ამერიკის საერთაშორისო განვითარების სააგენტომ იცოდა, რომ ეს ინფორმაცია სწორი არ იყო და დღემდე არ მოგვისმენია განმარტება USAID-ის მხრიდან რატომ უმალავდნენ ქართულ საზოგადოებას, პარტნიორს – საქართველოს ხელისუფლებას ამ ფაქტს. მაშინ, როდესაც ქუჩაში იმართებოდა დემონსტრაციები სწორედ ამ კამპანიაზე დაფუძნებით. დღემდე ამაზე პასუხი არ არის და გაურბიან პასუხს. ამიტომ მნიშვნელოვანია, ISFED-ის მხრიდანაც დაფიქსირდეს ამაზე პოზიცია, რამდენად სწორია ეს ინფორმაცია, რომ მათ შეატყობინეს დონორს და, თუკი დონორმაც იცოდა, რატომ უმალავდნენ ამას ქართულ საზოგადოებას. ჩვენ ვხედავდით, რომ ხმის პარალელური დათვლის (PVT) ეს ყალბი რიცხვები გამოყენებული იყო იმისთვის, რომ ქვეყანაში არეულობა მომხდარიყო“, – განაცხადა შალვა პაპუაშვილმა.

Next Post

ვლადიმერ პუტინი - რუსეთის ყველა სახელმწიფო მოხელემ რუსული ავტომობილით უნდა იაროს - ეს უფრო მოკრძალებული იქნება, ვიდრე ადრე, მაგრამ საშიში არაფერია

ხუთ აგვ 3 , 2023
309 წაკითხვარუსეთის ფედერაციის პრეზიდენტმა, ვლადიმერ პუტინმა სახელმწიფო მოხელეებს მხოლოდ და მხოლოდ რუსული წარმოების ავტომანქანებით – „მოსკვიჩებითა“ „ლადებით” გადაადგილება უბრძანა. რუსული მედიის ცნობით, მის მიერ მიღებული გადაწყვეტილება ჩინოვნიკებისთვის იმპორტული ავტომობილების შესყიდვის აკრძალვის შესახებ პუტინმა ერთ-ერთი თათბირის დროს გაახმოვანა. „ქვეყნის ყველა სახელმწიფო მოხელემ რუსული ავტომობილით უნდა იაროს. ეს უფრო მოკრძალებული იქნება, ვიდრე ადრე, მაგრამ საშიში არაფერია. პირიქით, უფრო კარგიც არის. ყველა ჩვენ ჩინოვნიკს […]