მიხეილ სააკაშვილი – მაგრად ვიქნები მტრის ჯინაზე! – ამ ბრძოლიდან ფეხის მოცვლას არსად ვაპირებ

209 წაკითხვა

მაგრად ვიქნები მტრის ჯინაზე! -ამ ბრძოლიდან ფეხის მოცვლას არსად ვაპირებ. სადაც არ უნდა გადამსვან, გამომკეტონ, 500 გისოსი მიმამაგრონ, ხომ იცით, რომ ეს პირობითია,- ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო პროცესზე ჩართვისას განაცხადა.

როგორც სააკაშვილმა აღნიშნა, საქართველო აუცილებლად გაითავისუფლებს თავს.

„ყველაფერი რაც ჩემს თავს ხდება, რაც საქართველოს თავს ხდება, ეს არის ოკუპაციის გაგრძელება. ეს არის დიდი უსამართლობა ჩემი ხალხის მიმართ, ეს არის დიდი უსამართლობა ყველაფერი იმის მიმართ, რაც საქართველომ ამხელა ბრძოლით დაიმსახურა. რამდენი წელი ვიბრძვით, რომ ადამიანური ცხოვრება იყოს. თითქოს, სადღაც მივდიოდით. სამწუხაროდ, ხალიჩა გამოგვაცალეს ფეხქვეშ. უნდათ, რომ ისევ წაქცეულები ვიყოთ. აუცილებლად წამოვდგებით ფეხზე! აუცილებლად ვიქნებით მაგრად! მეც მაგრად ვიქნები მტრის ჯინაზე!

ამ ბრძოლაში ბოლომდე ვარ, ამ ბრძოლიდან ფეხის მოცვლას არსად ვაპირებ. სადაც არ უნდა გადამსვან, გამომკეტონ, 500 გისოსი მიმამაგრონ, ხომ იცით, რომ ეს პირობითია. საქართველო აუცილებლად გაითავისუფლებს თავს. აუცილებლად დადგება ფეხზე. შეძლებს ამ ყველაფრის გამოსწორებას“,- აღნიშნა სააკაშვილმა.

Next Post

„კასპერსკის ლაბორატორიის“ ექსპერტებმა გვერდი აუარეს თავდამსხმელთა თავდაცვას „ოპერაცია ტრიანგულაციის“ კამპანიისას

სამ ნოე 14 , 2023
209 წაკითხვა„კასპერსკის ლაბორატორიის“ ექსპერტებმა გვერდი აუარეს თავდამსხმელთა დაცვას „ოპერაცია ტრიანგულაციის“   კამპანიისას, რომელმაც გამოიყენა ხუთი დაუცველობა. ოთხი მათგანი აღმოჩნდა ადრე უცნობი ნულოვანი დღის დაუცველობა. ჯერ კიდევ ამ ზაფხულს, „კასპერსკის ლაბორატორია“ იტყობინებოდა  APT კამპანია „ოპერაცია ტრიანგულიაციის“  შესახებ, რომელსაც დაექვემდებარნენ iOS მოწყობილობები. თავდასხმებმა გამოიყენეს ექსპლოიტების განაწილების დახვეწილი მეთოდი iMessage შეტყობინებების საშუალებით, რაც არ მოითხოვდა მომხმარებლისგან რაიმე ქმედებას. შედეგად, თავდამსხმელებმა მოიპოვეს სრული კონტროლი მოწყობილობასა […]

შესაძლოა მოგეწონოთ