პარტია ,,მომავალი საქართველოს“ ლიდერი გიორგი ლაღიძე სოციალურ ქსელში წერს
,,საკმაოდ დიდი ხანია პოლიტიკური განცხადებები აღარ გამიკეთებია, ძირითადად ბოლო პერიოდში დაკავებული ვარ საადვოკატო საქმიანობით, თუმცა საღად მოაზროვნე ადამიანი ვისაც ამ ქვეყანაზე გული შესტკივა გულგრილი ვერ დარჩება და შორიდან ვერ დაუწყებს ყურებას როგორ იმეორებს ოპოზიცია არაერთხელ დაშვებულ შეცდომებს. მოგეხსენებათ, საპარლამენტო არჩევნები ახლოვდება და პოლიტიკური ვნებათაღელვა ნელნელა მატულობს, სავარაუდო კონტურები უკვე გამოიკვეთე და სამწუხაროდ ოპოზიცია ისევ ვერ ახერხებს გაერთიანებას,(ყოველ შემთხვევაში პრო-დასავლური ოპოზიცია მაინც) არადა ყველას ცალ-ცალკე რომ კითხო სურთ ხელისუფლების დამარცხება და ცვლილებები, არაერთხელ მითქვამს და კიდევ გავმეორდები არჩევნებში ქართული ოცნების დამარცხების ფორმულა ოპოზიციის ერთიანობაშია, საუკეთესო ვარიანტი იქნებოდა იდეის ირგვლივ გაერთიანება. ეს იდეა, კი, პრორუსული ხელისუფლების შეცვლაა. ყველა პარტია თუ პოლიტიკოსი, ვინც გაერთიანებას მხარს არ უჭერს და მოსახლეობას ეუბნება, რომ მარტო შეძლებს არჩევნების მოგებას, ან ბრიყვია ან ივანიშვილის თამაშს თამაშობს, ასე რომ სანამ ჯერ კიდევ დროა ქვეყნის ინტერესებიდან გამომდინარე მაინც იქნებ გვერდზე გადადონ პირადი მოტივები და შედგეს გაერთიანება ოპოზიციის ძირითადი ნაწილის მაინც, სხვა შემთხვევაში, ქვეყნის უფსკრულის პირას მიყვანისათვის პასუხისმგებლობა ხელისუფლებასთან ერთად ქართველმა ხალხმა იმ პოლიტიკურ ძალებს უნდა დააკისროს ვინც გაერთიანებას ხელს უშლის…“
