ჯანდაცვის სამინისტრო – რესპუბლიკური საავადმყოფოს 350-მდე თანამშრომელმა საკომპენსაციო პაკეტი უკვე აირჩია – თანამშრომელთა გარკვეული ჯგუფი კი, ნებისმიერი სახის კონსულტაციაზე უარს აცხადებს

142 წაკითხვა

ჯანდაცვის სამინისტროს წარმომადგენლებსა და კლინიკის თანამშრომლებს შორის, შეხვედრები, ყოველდღიურ რეჟიმში იმართება, თუმცა თანამშრომელთა გარკვეული ჯგუფი, სამწუხაროდ, უარს აცხადებს ნებისმიერი სახის კონსულტაციებსა თუ შეხვედრაზე,- ამის შესახებ ინფორმაციას ჯანდაცვის სამინისტრო ავრცელებს.

მათივე ცნობით, კლინიკის 350-მდე სამედიცინო პერსონალმა და ადმინისტრაციის თანამშრომელმა სამინისტროს მიერ შეთავაზებული, საკომპენსაციო პაკეტი უკვე აირჩია და შესაბამისი შეთანხმებით დაადასტურა.

„რესპუბლიკური საავადმყოფოს თანამშრომლებთან კონსულტაციები გრძელდება. საზოგადოებისთვის ცნობილია, რომ რესპუბლიკურ საავადმყოფოში, ჯანდაცვის სამინისტროს წარმომადგენლებსა და კლინიკის თანამშრომლებს შორის, შეხვედრები, ყოველდღიურ რეჟიმში იმართება. თუმცა თანამშრომელთა გარკვეული ჯგუფი, სამწუხაროდ, უარს აცხადებს ნებისმიერი სახის კონსულტაციებსა თუ შეხვედრაზე.

საზოგადოების ინფორმირებისთვის განვმარტავთ, რომ რესპუბლიკური საავადმყოფოს თანამშრომლებზე კომპენსაციების გაცემა გრძელდება. კლინიკის 350-მდე სამედიცინო პერსონალმა და ადმინისტრაციის თანამშრომელმა სამინისტროს მიერ შეთავაზებული, საკომპენსაციო პაკეტი უკვე აირჩია და შესაბამისი შეთანხმებით დაადასტურა.

სამედიცინო პერსონალის ნაწილი მუშაობას იმ კერძო სამედიცინო დაწესებულებაში აგრძელებს, რომელიც ჯანდაცვის სამინისტროს ჩართულობით, რესპუბლიკური საავადმყოფოს სამედიცინო პერსონალს ალტერნატიულ დასაქმებას სთავაზობს. უწყებამ ამ მიმართულებით 10-ზე მეტ სამედიცინო დაწესებულებასთან გამართა მოლაპარაკებები.

მნიშვნელოვანია, რომ კლინიკაში დასაქმებული სამედიცინო პერსონალის უფლებები იქნება სრულად დაცული. რესპუბლიკური საავადმყოფოს თითოეული თანამშრომელი, უზრუნველყოფილი იქნება დასაქმების ალტერნატიული შეთავაზებით, თუ ღირსეული კომპენსაციით“,- აღნიშნულია ინფორმაციაში.

Next Post

კიბერუსაფრთხოების პროფესიონალების მესამედი მიიჩნევს, რომ მათი უმაღლესი განათლება არასაკმარისია ამჟამინდელი სამუშაოსთვის

სამ თებ 20 , 2024
142 წაკითხვამსოფლიო კიბერუსაფრთხოების ინდუსტრიაში მომუშავე რესპონდენტთა მესამედზე მეტს (36%) მიაჩნიათ, რომ მათ მიერ მიღებული უმაღლესი განათლება საკმარისი არ არის მუშაობისათვის და ამიტომაც  აგრძელებენ სწავლას გამუდმებით, რათა ინდუსტრიის განვითარებასთან ერთად შეძლონ მუდმივად ცვალებადი  საფრთხის გამკლავება.   ასეთია  „კასპერსკის ლაბორატორიის“  გლობალური გამოკითხვის დასკვნები: კომპანიამ გადაწყვიტა გაერკვია სპეციალისტების დამოკიდებულება ინდუსტრიაში განათლების მიმართ და რა გავლენა აქვს მას მათ კარიერულ ზრდაზე. კვლევა ჩატარდა „კასპერსკის […]

შესაძლოა მოგეწონოთ