კახა კალაძე – ირაკლი ღარიბაშვილის ოჯახის ფინანსური მდგომარეობა ჩემი საქმე არ არის

134 წაკითხვა

არ ვიცი ირაკლი [ღარიბაშვილის] ოჯახის ფინანსური მდგომარეობა, ჩემი საქმე არ არის, – ამის შესახებ თბილისის მერმა, კახა კალაძემ განაცხადა.

მისივე თქმით, „ქართული ოცნების“ თავმჯდომარე მაღალი თანამდებობის პირი იყო [პრემიერ-მინისტრი] და მას ყველაფერი ქონებრივ დეკლარაციაში აქვს ნაჩვენები.

„ადამიანი თუ ბიზნესშია მგონი, დამეთანხმებით ყველაფერი შესაძლებელია. მთავარია როგორ წარმართავ ბიზნესს და როგორ იმოქმედებ. ის, რომ გაკოტრებული ქარხანა შეიძინა და სიტუაცია გამოასწორა, ეს შეიძლება ერთ წელზე უფრო მალეც იყოს შესაძლებელი. არ ვიცი ირაკლი [ღარიბაშვილის] ოჯახის ფინანსური მდგომარეობა, ჩემი საქმე არ არის. ის იყო მაღალი თანამდებობის პირი და ყველაფერი ნაჩვენები აქვს დეკლარაციაში. მგონი, ამ მიმართულებით კითხვები არ არსებობს“,- აღნიშნა კალაძემ.

ცნობისთვის, გუშინ „ქართული ოცნების“ თავმჯდომარემ, ირაკლი ღარიბაშვილმა განაცხადა, რომ ანტიკორუფციული ბიურო მის დეკლარაციებს ყოველ წელს ამოწმებს და არც ერთხელ ყოფილა შემთხვევა, როცა მას პასუხი არ გაუცია.

„ჩემს ოჯახს აბსოლუტურად ლეგალური შემოსავლები, აბსოლუტურად ლეგალური ბიზნეს საქმიანობა აქვს. თუ ამის შესახებ დაინტერესდებით, მე მზად ვარ, რომ მთელი ინფორმაცია მოგაწოდოთ. თუ თქვენ ნამდვილად ხართ დაინტერესებული, საიდან აქვს მამაჩემს, როგორ თქვენ მოიხსენიებთ, პენსიონერს თანხა. მამაჩემი შეიძლება პენსიონერია, მაგრამ მას ოფიციალურ საკუთრებაში მრავალმილიონიანი ბიზნესი და ქონება აქვს, რომელიც მან სხვადასხვა საშუალებით შექმნა. თუ თქვენ ნამდვილად დაინტერესებული ხართ, მე მზად ვარ, ეს საჯარო ინფორმაციაა, რომ გაგიზიაროთ“, – აღნიშნა ირაკლი ღარიბაშვილმა.

Next Post

დღეს ჩვენ ვმოქმედებთ იგივე პასუხისმგებლობის გრძნობით და არ ვაღიარებთ არანაირ ძალაუფლებას ერის ნებაზე მაღლა

ორშ აპრ 1 , 2024
134 წაკითხვაშედეგების მიუხედავად, ამ არჩევნებში გამარჯვებული ჩვენი დემოკრატია და ეროვნული ნებაა, – ასე გამოეხმაურა თურქეთის პრეზიდენტი, რეჯეფ თაიფ ერდოღანი ქვეყანაში ჩატარებულ მუნიციპალურ არჩევნებს. მისი თქმით, თურქმა ხალხმა საარჩევნო ყუთი პოლიტიკოსებისთვის თავისი გზავნილების გადასაცემად გამოიყენა. ერდოღანმა ხაზი გაუსვა, რომ პარტია ყოველთვის დემოკრატიისა და საარჩევნო ყუთის მხარესაა. „დღეს ჩვენ ვმოქმედებთ იგივე პასუხისმგებლობის გრძნობით და არ ვაღიარებთ არანაირ ძალაუფლებას ერის ნებაზე მაღლა. ჩვენ არ […]

შესაძლოა მოგეწონოთ