დღეს ჩვენ ვმოქმედებთ იგივე პასუხისმგებლობის გრძნობით და არ ვაღიარებთ არანაირ ძალაუფლებას ერის ნებაზე მაღლა

130 წაკითხვა

შედეგების მიუხედავად, ამ არჩევნებში გამარჯვებული ჩვენი დემოკრატია და ეროვნული ნებაა, – ასე გამოეხმაურა თურქეთის პრეზიდენტი, რეჯეფ თაიფ ერდოღანი ქვეყანაში ჩატარებულ მუნიციპალურ არჩევნებს.

მისი თქმით, თურქმა ხალხმა საარჩევნო ყუთი პოლიტიკოსებისთვის თავისი გზავნილების გადასაცემად გამოიყენა.

ერდოღანმა ხაზი გაუსვა, რომ პარტია ყოველთვის დემოკრატიისა და საარჩევნო ყუთის მხარესაა.

„დღეს ჩვენ ვმოქმედებთ იგივე პასუხისმგებლობის გრძნობით და არ ვაღიარებთ არანაირ ძალაუფლებას ერის ნებაზე მაღლა. ჩვენ არ გამოვიჩენთ უპატივცემულობას ჩვენი ერის გადაწყვეტილების მიმართ და არ ვიმოქმედებთ ეროვნული ნების საწინააღმდეგოდ“, – განაცხადა თურქეთის პრეზიდენტმა.

ერდოღანმა აღიარა, რომ მისმა პარტიამ ვერ მიაღწია იმ შედეგს, რისი სურვილი და იმედიც ჰქონდა.

„ჩვენს პარტიაში ღიად შევაფასებთ ადგილობრივი თვითმმართველობის არჩევნების შედეგებს და თვითკრიტიკაში ჩავერთვებით“, – აღნიშნა თურქეთის პრეზიდენტმა.

შეგახსენებთ, გუშინ თურქეთში მუნიციპალური არჩევნები ჩატარდა, წინასწარი შედეგებით, ქვეყნის მთავარმა ოპოზიციურმა პარტიამ დიდ ქალაქებზე კონტროლი შეინარჩუნა. საერთო ჯამში, „სახალხო რესპუბლიკურმა პარტიამ“ თურქეთის 81 პროვინციიდან 36-ში გაიმარჯვა.

Next Post

თურქეთი, რუსეთი, სამხრეთ-აღმოსავლეთ აზია და ლათინური ამერიკა ანდროიდის საფრთხის ქვეშ მოხვდნენ: „კასპერსკის ლაბორატორია“

სამ აპრ 2 , 2024
130 წაკითხვა „კასპერსკის ლაბორატორიის“  მკვლევარებმა გააანალიზეს ანდროიდის მავნე პროგრამის სამი ახალი საშიში ვარიანტი. მავნე პროგრამებს Tambir, Dwphon და Gigabud აქვთ ფუნქციები, რაც ამოიხატება სხვა პროგრამების ჩამოტვირთვაში, სერთიფიკატების მოპარვაშიით,  ორფაქტორიანი ავთენტიფიკაციის (2FA) გვერდის ავლაში  და ეკრანის ჩანაწერებამდე შეღწევაშიც კი, რაც არღვევს მომხმარებლების კონფიდენციალურობას და უსაფრთხოებას. კომპანია იტყობინება, რომ Tambir არის ანდროიდის  უკანა კარი, რომელიც თავს ესხმის მომხმარებლებს თურქეთში. ის ინიღბება IPTV-პლეერად, […]