„ბოქლომები და ჯაჭვები კი არ უნდა გაჭრათ“ – გიორგი ვაშაძე ხელისუფლებას მიმართავს

611 Views

ბოქლომები და ჯაჭვები კი არ უნდა გაჭრათ, გასაღები უნდა მოძებნოთ და ეს გასაღები არის ხალხის ხელში, რომელიც პროპორციული არჩევნების ჩატარებას, – ამის შესახებ „ახალი საქართველოს“ ლიდერმა, გიორგი ვაშაძემ ბრიფინგზე განაცხადა. მან ბრიფინგზე სიმბოლურად გასაღებიც მიიტანა.

„ის, რომ გუშინ იყო არაძალადობრივი გზით ეს ყველაფერი, იყო სწორედ აქციის მონაწილეებისა და ორგანიზატორების დამსახურება. მინდა, ყველა მონაწილეს და პოლიტიკურ პარტიას მადლობა ვუთხრა. აქვე მინდა მივმართო ბატონ პარლამენტის თავმჯდომარეს, ბოქლომები და ჯაჭვები კი არ უნდა გაჭრათ, გასაღები უნდა მოძებნოთ და ეს გასაღები არის სწორად ხალხის ხელში, რომელიც თქვენგან ითხოვს პროპორციული არჩევნების ჩატარებას. ამიტომ, ძალისმიერი მეთოდებით მუშაობას სჯობს, რომ გქონდეთ სამოქმედო გეგმა. ჩვენ მივდივართ ჩვენი გეგმით, ეს არის მშვიდობიანი, საპროტესტო, არაძალადობრივი მოქმედებები გამარჯვებისთვის და აუცილებლად ამ საქმეს მივიყვანთ ბოლომდე“, – განაცხადა გიორგი ვაშაძემ.

ვაშაძის თქმით, პროტესტი გაგრძელდება, გეგმა კი, ოპოზიციის დღევანდელ შეკრებაზე შეთანხმდება.

გუშინ, საქართველოს პარლამენტის თავმჯდომარემ, არჩილ თალაკვაძემ პარლამენტის ბიუროს სხდომაზე ოპოზიციის წარმომადგენლებს სიმბოლურად ბოქლომი დაუბრუნა. როგორც არჩილ თალაკვაძემ აღნიშნა, ბოქლომი არის სიმბოლო, რომელიც გამოხატავს ოპოზიციის მიდგომებს და ღირებულებებს მოქალაქეების, სახელმწიფოს მიმართ.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Next Post

რომან გოცირიძემ პარლამენტის სხდომათა დარბაზს ბოქლომი დაადო

სამ ნოე 19 , 2019
611 Views„ნაციონალური მოძრაობის“ წევრმა, რომან გოცირიძემ პარლამენტის სხდომათა დარბაზს ბოქლომი დაადო. მისი თქმით, აქ სხდომა არ ჩატარედება და ნაციონალური მოძრაობა სხდომებს არ დაესწრება. „ეს არის პროპორციული არჩევნები კოდი. დამთავრდა „ქართული ოცნების! სამარცხვინო ერა. აქ ვერ შემოვლენ, ხალხის ძალას გვერდს ვერ აუვლიან… გინდათ ნერვების ომი? მიიღებთ ნერვების ომს“,- თქვა რომან გოცირიძემ. პრაიმტაიმი

mediapress.ge@gmail.com