ჟურნალისტი ია თინიკაშვილი სოციალურ ქსელში წერს:
„ახლა, საქართველოს ტერიტორიაზე, შსს-ს მეხანძრე-მაშველები 7 რთულ ლოკაციაზე ებრძვიან ხანძარს, მერე ვიღაც ულვაშებიანი მავანი მივა და თავში ჩაარტყამს ამ შსს-ს რომელიმე თანამშრომელს;
ახლა, საქართველოში, ცენტრალური ხელისუფლების მიერ არაკონტროლირებად ტერიტორიაზე, ცხინვალის ციხეში, ქართველი ექიმი ოკუპანტების განაჩენს ელის – სამხედრო ექიმის სტატუსით, გაფრინდაშვილი 2008 წლის ომში აქტიურად მონაწილეობდა და საქართველოს შეიარაღებული ძალების სამხედრო-სამედიცინო სამსახურის რეზერვის კაპიტნად ირიცხებაო… მერე, სხვა მავანი გამოვა, ამჯერად უულვაშო და ქვეყნის გამთლიანებას ტრიბუნითან დაგვპირდება;
კიდევ ერთი მავანი კი, პოლიტიკოსების რეიტინგს შემოგვტენის და გვეტყვის – ის კაცია პირველ ადგილზე, ვინც 2008 წლის ომში ქვეყნის დანა-ჩანგლით თუ ფიწალ-თოხით დაცვისკენ მოგიწოდებდათ არაევაკუირებულ და ომში მიტოვებულ მოსახლეობასო…
პს. დღეს საღამოს საგანგებო სიტუაციების სამსახურში ვესაუბრე ტელეფონით და მოხალისე-მაშველად დარეგისტრირების სურვილი გამოვთქვი“.
