რუსეთში ვიზიტად მყოფი ნინო ბურჯანაძე რუსეთის საგარეო საქმეთა მინისტრის მოადგილემ რუდენკომ მიიღო. ინფორმაციას ამის შესახებ რუსეთის საგარეო უწყება ავრცელებს. საგარეო საქმეთა სამინისტროს ცნობით:
„განხილულ იქნა რუსულ-ქართული ურთიერთობების მდგომარეობა და პერსპექტივები. რუსეთის მხრიდან დადასტურდა საქართველოსთან ნორმალიზაციის სურვილი, ქვეყნებს შორის საავიაციო მიმოსვლის აღდგენის შესაძლებლობის ჩათვლით. მნიშვნელოვანია, რომ თბილისში უფრო საპასუხისმგებო მიდგომა გამოავლინონ რუსეთთან ურთიერთობების განვითარების თვალსაზრისით.
საქართველოში მიმდინარე სიტუაციასთან დაკავშირებით ხაზგასმით იქნა აღნიშნული, რომ მოსკოვში ამ პროცესებს საქართველოს საშინაო საქმედ განიხილავენ“- ნათქვამია რუსეთის საგარეო საქმეთა სამინისტროს ვებ-გვერდზე განთავსებულ ოფიციალურ რელიზში.