1,780 წაკითხვა
საქართველოს პრეზიდენტმა, ბოლო პერიოდში მის მიმართ ატეხილ ხმაურთან დაკავშირებით კომენტარი გააკეთა და თქვა, რომ ის თავისუფლად გააგრძელებს სიარულს ფეხით, ივლის სალობიეშიც და იქნება ხალხთან ერთად.
„მე არ მინახავს საკუთარი მოსახლეობის უნდობლობა. მე დავდივარ ქუჩაში, დავდივარ რეგიონებში, ვხვდები ხალხს დიდი დოზით და დიდი დოზით სიყვარულით. ჩემთვის საზომი, თუ როგორ აფასებს მოსახლეობა თავის პრეზიდენტს, ეს არის და არა ხუთკაციანი გამოსვლები.
ძალიან მნიშვნელოვანია, რომ პრეზიდენტსა და ხალხს შორის არ გაწყდეს ეს ურთიერთობა. სადაც საჭიროა, სალობიეშიც ვივლი და სხვა თავშეყრის ადგილებშიც, ძალიან თავისუფლად. ფეხით სიარულს გავაგრძელებ და ვიქნები ჩემ ხალხთან ერთად, სადაც საჭიროა და როგორც საჭიროა“, – განაცხადა სალომე ზურაბიშვილმა.