„ჩვენ გვყავს კრიმინალური მენტალობის პრემიერ-მინისტრი“ – მამუკა ხაზარაძე

2,069 წაკითხვა

ჩვენ გვყავს კრიმინალური მენტალობის პრემიერ-მინისტრი,- ამის შესახებ პოლიტიკური გაერთიანება „ლელო საქართველოსთვის“ თავმჯდომარე, მამუკა ხაზარაძემ ჟურნალისტებთან საუბრისას განაცხადა, რითაც კომპანია „ფეისბუქის“ მიერ, საქართველოს ხელისუფლებასთან დაკავშირებული ასობით ანგარიშის წაშლასთან დაკავშირებით დასმულ შეკითხვას უპასუხა.

მისი თქმით, ადამიანები, რომლებიც სხვადასხვა არაკანონიერ მიმართულებებს მფარველობენ ხელისუფლებას უნდა ჩამოშორდნენ.

„ჩვენ გვყავს კრიმინალური მენტალობის პრემიერ-მინისტრი, რომელმაც არა მხოლოდ ამ საკითხზე უნდა გასცეს პასუხი, არამედ უნდა გასცეს სერიოზული პასუხი 20 ივნისის საქმეზე, პასუხი უნდა გასცეს პროკურატურას, რომელიც კიდევ არ იძიებს იმ წერილის შესახებ, რომელიც მან ჩვენ გამოგვიგზავნა, შესაბამისად, ასეთი კრიმინალური მენტალობის ადამიანი, რომელიც მფარველობენ სხვადასხვა არაკანონიერ მიმართულებებს, ამ შემთხვევაში ბოტებს და ტროლებს და ჩვენ ვიცით, რომ ეს იყო ხელისუფლების მფარველობის ქვეშ, ასეთი ადამიანები უნდა ჩამოშორდნენ ქართულ ხელისუფლებასა და პოლიტიკას“,- განაცხადა ხაზარაძემ.

შეგახსენებთ, რომ „ფეისბუქმა“ საქართველოს ხელისუფლებასთან დაკავშირებული ასობით გვერდი, ანგარიში და ჯგუფი წაშალა.

„წავშალეთ 39 ქართული „ფეისბუქ“ ანგარიში, 344 გვერდი, 13 ჯგუფი და 22 „ინსტაგრამ“ ანგარიში, რომლებიც ჩართულები იყვნენ კოორდინირებულ არაავთენტურ ქცევაში,- ნათქვამია კომპანია „ფეიბუქის“ მიერ გავრცელებულ განცხადებაში.

იპნ

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Next Post

„ხელისუფლებას დიდი ცუნამი უახლოვდება“ - შალვა ნათელაშვილი

ორშ დეკ 23 , 2019
2,069 წაკითხვა„ე.წ. ხელისუფლებას კიდევ ერთხელ შევახსენებ, ტვინი გამოიბერტყოს, თუ გააჩნია ასეთი ნივთიერება“, – ამის შესახებ „ლეიბორისტულმა პარტიის“ ლიდერმა, შალვა ნათელაშვილმა ბათუმში ოპოზიციის მიერ გამართულ აქციაზე განაცხადა. „ე.წ ხელისუფლებას კიდევ ერთხელ შევახსენებ, ტვინი გამოიბერტყოს, თუ გააჩნია ასეთი ნივთიერება და ობიექტურად შეხედოს რეალობას. მას უახლოვდება დიდი სახალხო ცუნამი, რომელიც სოლოლაკს მიადგება და აუცილებლად დაამთავრებს ურჩხულს, წყაროს ჩვენი არსებობისას,“ – განაცხადა ნათელაშვილმა.  

შესაძლოა მოგეწონოთ