ტელეწამყვანი მაკა რაზმაძე „ნაციონალურ მოძრაობასა“ და „ევროპულ საქართველოს“ მიმართავს:
„ნაციონალურ მოძრაობას“ და „ევროპულ საქართველოს“ მივმართავ: არსებობს ფეისბუკზე გვერდი, რომელიც თქვენი პოლიტიკური ძალების მხარდაჭერითაა დაკავებული და ჰქვია „ქოცების დასაცინი ოფიციალური გვერდი“ . არ ვიცი რა ნამდვილობა ამოიცნო ასეთი ფეისბუკმა, რომ ე.წ. ტროლ-ბოტების წაშლის ცნობილი კამპანიის მერე ეს გვერდი გადარჩა და უფრო გაშმაგებით ამუშავდა. არავის უკვირს სამწუხაროდ ამ სივრცეში აღარც ლანძღვა და აღარც ზღვარგადასული შეურაცხყოფა, მაგრამ ეს გვერდი ყველა ზღვარს გასცდა.
დაუდიათ შეზღუდული შესაძლებლობის ადამიანის ფოტო და ზედ წაუწერიათ -„ახლა ეს ღამის ქოთანი გამოაგორესო“… მოგმართავთ ახლავე წაიშალოს ეს სამარცხვინო პოსტი თორემ ისეთ კამპანიას ავტეხავ ჯერ რომ არც მოგლანდებიათ! ადამიანის უფლებები მხოლოდ საკუთარი გადასახედის ფარგლებში ვრცელდება? მოვითხოვ მკაცრ რეაგირებას ამ სამარცხვინო საქციელზე. არ ვდებ შეგნებულად სქრინს და ველოდები რეაგირებას“ – წერს მაკა რაზმაძე.
