„საქართველოში ამ ეტაპზე ეპიდემიის საფრთხე არ არსებობს“ – პაატა იმნაძე

1,543 წაკითხვა

გრიპის ვირუსთან დაკავშირებით საქართველოში ამ ეტაპზე ეპიდემიის საფრთხე არ არსებობს, – ამის შესახებ მეცნიერების დარგში დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მოადგილემ, პაატა იმნაძემ განაცხადა.

მისი თქმით, ამ დროისთვის საქართველოში ვირუსის გავრცელების მაჩვენებელი 100 ათას მოსახლეზე 190 დაავადებულია. ეს კი, დაახლოებით 20 პროცენტით ნაკლებია გასულ წელთან შედარებით.

იმნაძემ განმარტა, რომ ეპიდემიის საშიშროება ამ ეტაპზე არ არსებობს. ეპიდემიად მიიჩნევა, 450-500 დაავადებული 100 ათას მოსახლეზე.

რაც შეეხება გარდაცვალების ორ შემთხვევას, პაატა იმნაძის განცხადებით, მიზეზი სამედიცინო დაწესებულებისთვის დაგვიანებული მიმართვა გახდა.

„ახლა არის ზამთარი და ზამთარი გრიპის გარეშე არ არის. ბოლო კვირის მონაცემებით, ავადობა არის 190 ადამიანი 100 ათას მოსახლეზე, საქართველოს პირობებისთვის ეპიდემიის ზღვარად ითვლება 450-500 შემთხვევა 100 ათას მოსახლეზე. შარშან იგივე პერიოდში 100 ათას მოსახლეზე 220 იყო, ხოლო პიკის პერიოდში 280. არავითარი ეპიდემიაზე ლაპარაკი არ არის. ძირითადად, გავრცელებულია ბავშვთა ასაკში, ჰოსპიტალიზებაც სწორედ ძირითადად, მოდის პატარა ასაკის ბავშვებზე, დიდების საავადმყოფოში არ არის გადატვირთულობა“, – განაცხადა იმნაძემ.

როგორც მან აღნიშნა, ზამთრის პერიოდისთვის ეს ჩვეულებრივი მოვლენაა.

„რა თქმა უნდა, ადამიანები უნდა იყვნენ ფრთხილად, მთავარია, არ მივიდეთ იქამდე, რომ გავრცელდეს და ფატალურად დამთავრდეს. ძალიან მნიშვნელოვანია, რომ თუ ბავშვს აქვს სიცხე 38.5 ან მეტი ერთი დღე, აუცილებლად უნდა ნახოს ექიმმა. სავალდებულო არსად არ არის გრიპის ვაქცინაცია, სავალდებულო არის მხოლოდ მაღალი რისკის პროფესიული ჯგუფებისთვის“, – აღნიშნა პაატა იმნაძემ და აღნიშნა, რომ 93 ათასამდე ასეთი ადამიანი აცრილია.

Next Post

შინაგან საქმეთა მინისტრს ახალი მოადგილე ჰყავს

პარ დეკ 27 , 2019
1,543 წაკითხვაშინაგან საქმეთა მინისტრს ახალი მოადგილე ჰყავს. ვახტანგ გომელაურის მოადგილედ გიორგი ბუთხუზი დაინიშნა. ბუთხუზი 2019 წლის სექტემბრიდან საქართველოს დაზვერვის სამსახურის უფროსის მოადგილე იყო. მანამდე, 2016-2019 წლებში საქართველოს თავდაცვის მინისტრის მოადგილის პოსტს იკავებდა. ასევე, 2013 – 2016 წლებში მას სსიპ „სასწრაფო სამედიცინო დახმარების ცენტრის“ დირექტორის მოადგილის თანამდებობა ეკავა. 2012 – 2013 წწ. – საქართველოს შსს მცხეთა-მთიანეთის შს სამხარეო მთავარი სამმართველოს მცხეთის შს რაიონული […]