„სამსხვერპლო ცხვრებივით ვწირავთ ადამიანების, და რაც ყველაზე სავალალოა, ბავშვების ჯანმრთელობას“

2,407 წაკითხვა

ევროპული ცივილიზაციის შეჭრამ ავსტრალიელი აბორიგენები ძალიან ცუდ დღეში ჩააგდო, ალკოჰოლიზმი და ტოქსიკომანია იმდენად გავრცელდა მათ შორის,რომ ავსტრალიის მთავრობამ სპეცილური ღონისძიებები შეიმუშავა ზიანის შესამცირებლად. ასე მაგალითად, ხშირი იყო შუშის ბოთლებით თვითდაზიანებები,რისი თავიდან ასაცილებლად ვისკის პოლიეთილენის ჭურჭელში ჩამოსხმა დაიწყეს, ხოლო მანქანებზე ბენზინის ავზებს გასაღებები დაუყენეს,რომ ტოქსიკომანებისთვის შეეზღუდათ ბენზინის ანაორთქლის ჩასუნთქვის შესაძლებლობა.
წლიდან -წლამდე ვხედავთ სურათს,რომ საახალწლოდ ადამიანები ზიანდებიან პეტარდებით,ყველამ წინასწარ იცის,რომ ასეთი სურათი დაგვიდგება და ამ უაზრო ჩვეულების ინერციის კერპს სამსხვერპლო ცხვრებივით ვწირავთ ადამინების, და რაც ყველაზე სავალალოა, ბავშვების ჯანმრთელობას.
წელს 81 ადამიანი იქნა ჰოსპიტალიზებული, ბევრი მათგანი უმძიმესი დაზიანებებით.
და, რა?
ვითომც აქ არაფერი.
თუ ავსტრალიის ანგლოსაქურმა მთავრობამ ასეთი ღონისძიებები გაატარა აბორიგენების დასაცავად, რა გვიშლის ჩვენ ხელს, რომ შევწყვიტოთ ეს უაზრო, მანიაკალური ჩვევა?
აცტეკები ხომ არ ვართ რომ ყოველ წელს სისხლიანი მსხვერპლით აღვნიშნოთ ახალი წელი?
და, საერთოდ, დროა გავანებოთ თავი ამ ზიზილ-პიპლოებით, ბახა-ბუხით და უცხოელების უნიჭო ბაძვით ხალხის და ერთმანეთის გასულელებას, საბიუჯეტო ფულის ფლანგვას და კულტურულად და ღირსეულად აღვნიშნოთ დღესასასწაული.

სოსო მანჯავიძე

Next Post

„ეს იქნება იმის უტყუარი დასტური, რომ რაღაც დიდი შეთანხმება მოხდა“ - დემურ გიორხელიძე

შაბ იან 4 , 2020
2,407 წაკითხვათუ აშშ სირიიდან და ერაყიდან სრულად გაიყვანს ჯარებს (რასაც პირი აშკარად უჩანს) და თუ შემდეგ ეს ავღანეთშიც მოხდება (ესეც იკითხება ქვეტექსტებში), – ეს იქნება იმის უტყუარი დასტური, რომ მსოფლიო პოლიტიკის უმთავრეს მოთამაშეებს შორის რაღაც დიდი შეთანხმება მოხდა… ადრე თუ გვიან ეს შეთანხმებაც ცხად კონტურებს მიიღებს და ცნობილი გახდება… შეთანხმება მსოფლიო პოლიტიკის მთავარ აქტორებს შორის არის საუკეთესო გარანტი დიდი კონფლიქტის […]

შესაძლოა მოგეწონოთ