ფინანსთა სამინისტროს საგამოძიებო სამსახურმა, არასრულწლოვანით ვაჭრობის ფაქტზე, შვიდი პირი დააკავა

1,180 წაკითხვა

საქართველოს ფინანსთა სამინისტროს საგამოძიებო სამსახურის თანამშრომლებმა, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, წინასწარი შეთანხმებით ჯგუფის მიერ, არასრულწლოვანით ვაჭრობის – ტრეფიკინგის ფაქტზე, შვიდი პირი დააკავეს.

დაკავებულთა შორისაა თავად ბავშვის დედა და სამედიცინო დაწესებულების ორი ექიმი. დაკავებულთაგან, ერთ-ერთი გასულ წლებში, ამავე სახის დანაშაულზეა ნასამართლევი.
გამოძიებით დადგენილია, რომ ბრალდებულებმა, პირადი მატერიალური გამორჩენის მიღების მიზნით, განიზრახეს გაეყიდათ არასრულწლოვანი, ხოლო მიღებული თანხა გაენაწილებინათ ურთიერთშორის.

ბრალდებულებმა, აღნიშნული დანაშაულებრივი განზრახვით, მოიძიეს ბავშვის შეძენის მსურველი პირი, რომელსაც ბავშვის შეძენის სანაცვლოდ, მოსთხოვეს 13 000 აშშ დოლარი. დანაშაულებრივი ქმედების დაფარვის მიზნით, წინასწარი შეთანხმებით, ბავშვის დედა, ფეხმძიმობის პერიოდში, შესაბამისი სამედიცინო პროცედურების გავლის და საავადმყოფოში მშობიარობის დროს, დარეგისტრირდა სხვა პირის გვარ-სახელით.
საგამოძიებოს სამსახურმა, მიმდინარე წლის 6 თებერვალს, განხორციელებული ახალშობილის გაყიდვის შემდეგ, დანაშაულებრივ სქემაში ჩართული შვიდივე პირი დააკავა, ხოლო, ახალშობილი დროებით მეთვალყურეობაში გადასცა სახელმწიფო ზრუნვისა და ტრეფიკიგნის მსხვერპლთა და დაზარალებულთა დახმარების სააგენტოს.
გამოძიება მიმდინარეობს საქართველოს სისხლის სამართლის კოდექსის 1432 მუხლის მესამე ნაწილით, რაც სასჯელის სახით ითვალისწინებს თავისუფლების აღკვეთას 14-დან 17-წლამდე ვადით.

Next Post

,,ნაცმოძრაობა“ არის მკვლელების ორგანიზაცია, ხოლო ,,ოცნება“ ამ საქმის გამგრძელებელი

ოთხ თებ 12 , 2020
1,180 წაკითხვაამდენი წელია, ვასახელებ მამაჩემის მკვლელობის შემკვეთ სააკაშვილს, ორგანიზატორ დათა ახალაიას, შემსრულებლებს – გია ფაჩულიასა და თემურ ჯგერენაიას. აღარაფერს ვლაპარაკობ მანიაკ „მასტერაზე“, მეგის ქარდავაზე და ა.შ… ვამბობ, რომ ,,ნაცმოძრაობა“ არის მკვლელების ორგანიზაცია, ხოლო ,,ოცნება“ ამ საქმის გამგრძელებელია, რადგან ხელს აფარებს გურამ შარაძის მკვლელებს. ერთი (ერთი!) კაცი – პოლიტიკოსია, პოლიციელი, პროკურორი თუ სუს-ის გენერალი (დაბალ რგოლებთან არც მქონია არცერთ უწყებაში ურთიერთობა), […]