ხელისუფლება ოპოზიციურ პარტიებთან შეხვერდებს იწყებს

2,002 წაკითხვა

თბილისის მერის, კახა კალაძის განცხადებით, საარჩევნო სისტემაზე კონსენსუსის მიღწევა მოკლე დროში უნდა მოხდეს, რადგან სხვა შემთხვევაში, ცვლილებების განხორციელება შეუძლებელი გახდება.

მისივე თქმით, თუ შეთანხმება ვერ მოხდება ოპოზიციასთან, 2020 წლის საპარლამენტო არჩევნები ჩატარდება არსებული სისტემით.

“ძალიან მნიშვნელოვანია მოლაპარაკებები. ჩვენ, მმართველმა გუნდმა დავადასტურეთ და ღიად განვაცხადეთ, რომ მზად ვართ დიალოგისთვის. თუ რა შეთანხმება იქნება და როგორი საარჩევნო სისტემა იქნება, ამაზე გადაწყვეტილება იქნება მიღებული მას შემდეგ, რაც დიალოგი გაიმართება. თუ ვერანაირი შეთანხმება ვერ მოხერხდა და ვერ მოხდა კონსენსუსის მიღწევა, მაშინ, რა თქმა უნდა, არჩევნები ჩატარდება არსებული საარჩევნო სისტემით. ძალიან მალე უნდა დამთავრდეს საარჩევნო სისტემაზე მსჯელობა და გარკვეული შეთანხმების მიღწევა, რადგან სხვანაირად ცვლილებების განხორციელება გახდება შეუძლებელი”,- განაცხადა კალაძემ.

მისი თქმით, ხელისუფლება მზადაა შეხვდეს როგორც ცალკეულ პარტიას, ასევე გაერთიანებულ ოპოზიციას.

“ჩვენი სურვილია, რომ ყველა პოლიტიკურ პარტიასთან მოხდეს შეხვედრა, როგორც ყველა ერთად, ასევე ცალკეულ პარტიასთან თუ ექნებათ სურვილი. რამდენიმე პარტიამ გამოთქვა სურვილი. ჩვენ მზად ვართ ყველას შევხვდეთ”, – განაცხადა კალაძემ.

ipn

Next Post

,,მორჩა კინო, წადით სახლში! სხვა ნიუანსებში არ შევალ, მხოლოდ გავიღიმებ“

სამ თებ 25 , 2020
2,002 წაკითხვა ჟურნალისტი გოჩა მირცხულავა ეხმიანება “მთავარი არხი”-ს დაკვეთით, ფრანგული კომპანია “იპსოსი”-ს მიერ  ჩატარებულ იმ კვლევას, რომლის მიხედვით კვლავ “ქართული ოცნება მირცხულავა  ლიდერობს 34 პროცენტით. გოჩა მირცხულავას შეფასებით, ეს ნიშნავს მმართველი პარტიის უპირობო გამარჯვებას. “39% ქართულ ოცნებას, არჩევნებში მის უპირობო გამარჯვებას ნიშნავს. ჯამური, თუნდაც მაქსიმალური 61% არ არსებობს. უბრალოდ, არ არსებობს არჩევნებში ასეთი გაგება. და თუ მაინც დავუშვებთ, ამ ჯამური 61%- […]

შესაძლოა მოგეწონოთ