შეიწყალებს თუ არა გიგი უგულავას პრეზიდენტი?

2,092 წაკითხვა

თუ მე ჩავთვლი, რომ შეწყალება უნდა შედგეს, იქნება მიღებული შეწყალების აქტი, – ამის შესახებ საქართველოს პრეზიდენტმა სალომე ზურაბიშვილმა ჟურნალისტებს განუცხადა, რითაც „ევროპული საქართველოს“ ერთ-ერთი ლიდერის, გიგი უგულავას შეწყალების შესაძლებლობაზე დასმულ კითხვას უპასუხა.

ზურაბიშვილის განცხადებით, „შეწყალება ექვემდებარება წესებს, რომელიც მიღებული იქნა ამ წელს და რაც არ უნდა იყოს მოთხოვნა, რომელიც შემოვა, იქნება განხილული ამ წესების მიხედვით“.

„ყველა მოთხოვნას წავიკითხავ, ვნახავ გავეცნობი. თუ მე ჩავთვლი, რომ შეწყალება უნდა შედგეს, იქნება მიღებული შეწყალების აქტი. არ არსებობს, ამ ქვეყანაში ცალკე ადამიანები, რომლებზეც ვრცელდება ცალკე რეგულაციები. ყველა მოქალაქისთვის არის იგივე რეგულაცია და ყველა მოქალაქემ ძალიან კარგად იცის, როგორ უნდა მიმართოს პრეზიდენტს“, – განაცხადა სალომე ზურაბიშვილმა.

შეგახსენებთ, „ახალი საქართველოს“ ლიდერის, გიორგი ვაშაძის განცხადებით, ხელისუფლებასთან მიღწეული შეთანხმებით, გიგი უგულავამ სასჯელაღსრულების დაწესებულება პრეზიდენტის შეწყალების საფუძველზე უნდა დატოვოს. როგორც ვაშაძემ „ინტერპრესნიუსს“ განუცხადა, პოლიტიკური პარტიების მიერ ხელმოწერილ დოკუმენტში საუბარია იმაზე, რომ უგულავას გასათავისუფლებლად „პრეზიდენტის ინსტიტუციის მექანიზმის გამოყენება უნდა მოხდეს“.

მისივე განმარტებით, ხელისუფლებასთან მიღწეულ შეთანხმებაში საუბარია ასევე, ირაკლი ოქრუაშვილის, გიორგი რურუას და ბესიკ თამლიანის საკითხზეც, რომელთა გასათავისუფლებლად სხვა მექანიზმი უნდა ამოქმედდეს, მათ შორის შესაძლოა, ეს იყოს აღკვეთის ღონისძიების შეცვლა.

იპნ

Next Post

„ლეგიტიმურ კითხვას ვსვამ და ვეკითხები ნაციონალების მაშინდელ ლიდერებს“

ორშ მარ 9 , 2020
2,092 წაკითხვაპარტია „კანონი და სამართალი“-ს თავმჯდომარე თამარ ჩარკვიანი, 2011 წლის საპროტესტო აქციების დროს, ნინო ბურჯანაძისა და მისი ვაჟის საუბრის ფარულ ჩანაწერთან დაკავშირებით ყოფილი ხელისუფლების წარმომადგენლებს მიმართავს. „ლეგიტიმურ კითხვას ვსვამ და ვეკითხები ყოფილი ხელისუფლების, ანუ ნაციონალების მაშინდელ ლიდერებს და თანამდებობის პირებს – ეს ჩანაწერი თქვენ გააყალბეთ და ფალსიფიცირებულია? თუ ასეა თქვენ უნდა აგოთ პასუხი( რაც ვიცით, რომ ფალსიფიცირებული არ არის და […]

შესაძლოა მოგეწონოთ