„კორონავირუსი არ არის სასაიკვდილო განაჩენი, ნუ უხეთქავთ გულს ისედაც დაპანიკებულ ხალხს“ – პაატა ქურდაძე

1,905 წაკითხვა

მწერალი პაატა ქურდაძე სოციალურ ქსელში წერს:

„კორონავირუსი არ არის სასაიკვდილო განაჩენი, რომლის სისრულეში მოყვანამდე რამდენიმე წუთი რჩება, საავადმყოფოს იზოლირებული ბოქსი კი სიკვდილმისჯილის კამერა, ან პალიატიური კლინიკის პალატა.

არაფერი უფრო სულელური და პანიკისმთესველი იდიოტობა არ წამიკითხავს ამ ბოლო დღეებში, ვიდრე ეს ვითომდა გულჩვილი თანაგრძნობის გამომხატველი ფრაზა, რომელსაც ასეთი „სევდიანი“ ენთუზიაზმით იმეორებს ყველა უკვე მესამე თუ მეოთხე დღეა საწყალს, ოცი წლის წინ ერთი შვილი ავტოკატასტროფაში დაეღუპა, ახლა კი მეორეს კორონავირუსი შეეყარა“.

აბსოლუტურად არანაირ კავშირში არ არის პირველი ტრაგედია, მეორე შემთხვევასთან. გეგონება ვინც დღეს კორონავირუსის დიაგნოზით საავადმყოფოში წევს – გარდაუვალი სიკვდილისთვის არის განწირული და ვეღარაფერი გადაარჩენს! მესმის, რომ ნიჰილიზმი ზოგადად პურია ჩვენი არსობისა, მაგრამ წინასწარ მაინც ნუ გამოვიტირებთ და ნუ გავუმართავთ პანაშვიდებს ერთმანეთს – ნუ უხეთქავთ გულს ისედაც დაპანიკებულ ხალხს – თორემ ხომ ხედავთ, უკვე საიზოლაციო ცენტრების სასწრაფოდ გადატანას ითხოვს ადგილობრივი მოსახლეობა ზოგიერთ რეგიონში – როგორც შუა საუკუნეებში შავი ჭირის და კეთრის დროს.“- წერს პაატა ქურდაძე.

 

Next Post

რატომ არ დაფიქსირებულა კორონავირუსი ამ დრომდე თურქეთში - რა არის ამის მიზეზი

ორშ მარ 9 , 2020
1,905 წაკითხვამსოფლიო  კორონავირუსს უკვე მესამე თვეა ვერ ამარცხებს. ახალ ვირუსთან მედიცინა, ჯერჯერობით, უძლურია. არსებული ინფორმაციით, დაავადების გავრცელების დინამიკამ  ჩინეთში იკლო, რასაც ვერ ვიტყვით მსოფლიოს სხვა ქვეყნებზე. ევროპაში ტურისტებისთვის საყვარელი ქალაქები დაცარიელდა. ყველაზე ნათლად კორონავირუსის კვალი იტალიას დაეტყო. იტა­ლი­ა­ში კო­რო­ნა­ვირუ­სის გავ­რცე­ლე­ბის თვალ­საზ­რი­სით ევ­რო­პის ქვეყ­ნებს შო­რის ყვე­ლა­ზე რთუ­ლი ვი­თა­რე­ბაა. ქვეყნის ხელისუფლებამ ლომ­ბარ­დი­ის რე­გი­ო­ნი­სა და კი­დევ 14 პრო­ვინ­ცი­ის ჩა­კეტვის გა­და­წყვე­ტი­ლე­ბა მი­ი­ღო. სა­ვალ­დე­ბუ­ლო კა­რან­ტინ­ში […]