საპატრიარქოს განცხადება – “დასაშვებად მივიჩნევთ, რომ ზიარების შემდგომ სასმელის მიღება მოხდეს ერთჯერადი ჭიქებით”

1,538 წაკითხვა

საქართველოს საპატრიარქო დასაშვებად მიიჩნევს, რომ ზიარების შემდგომ სასმელის (“სიტკბოების“) მიღებასაკუთარი ან ერთჯერადი ჭიქებით მოხდეს. ამის შესახებ საქართველოს საპატრიარქოს მიერ გავრცელებულ განცხადებაშია აღნიშნული.

საპატრიარქო მოსახლეობას მოუწოდებს, დაიცვან ჰიგიენის ნორმები, გამოიყენონ ნაკურთხი წყალი როგორც დასალევად, ასევე საცხოვრებელი თუ სამუშაო ადგილების საპკურებლად.

„ხშირად უნდა გამოიყენოთ ნაკურთხი წყალი, როგორც დასალევად (უზმოზე), ასევე საცხოვრებელი და სამუშაო ადგილის საპკურებლად. შეგახსენებთ, იმასაც, რომ გულში შეძლებისდაგვარად თქვათ „იესოს ლოცვა“ ან მოკლედ, – „,უფალო შემიწყალე”. როგორც წესი, საკვების მიღების წინ და შემდგომაც უნდა ითქვას შესაბამისი ლოცვა და საჭმელს ჯვარი გადაესახოს.

განსაკუთრებული ყურადღება უნდა მიექცეს პირადი ჰიგიენის დაცვას და, ზოგადად, სისუფთავეზე ზრუნვას. ასევე, საჭიროა ერთმანეთთან ურთიერთობისას შემოთავაზებული წესების დაცვა.

უსაფრთხოების დამატებითი ზომების შესახებ გადაწყვეტილება საქართველოს საპატრიარქომაც მიიღო და ეკლესიებისათვის სადეზინფექციო საშუალებების გაცემა უკვე დაწყებულია.

ღვთისმსახურება ტაძრებში აღევლინება ჩვეული წესით, თუმცა დასაშვებად მივიჩნევთ, რომ ზიარების შემდგომ სასმელის (,,სიტკბოების“) მიღება მოხდეს საკუთარი ან ერთჯერადი ჭიქებით,” – ნათქვამია განცხადებაში.

ipn.ge

კომენტარის დატოვება

თქვენი ელფოსტის მისამართი გამოქვეყნებული არ იყო.

Next Post

„ფარისეველ ევროპელებზე ახია კორონავირუსი, მაგრამ ნამეტანი კარგი გული მაქვს და მაინც არ ვიტყვი“

შაბ მარ 14 , 2020
1,538 წაკითხვაგეიროკავშირის თვალთმაქცობაზეც დავწერო ცოტა რამ, იტალიასთან ჩემი “ანგარიშებიც” მაქვს: 2007 წელს გერმანელი ინვესტორი მოვიდა ჩემთან, ნახევარ მილიონ ევროს დებდა თაფლი-დინდგელის წარმოებაში, საქართველოდან ევროპაში გასატანად. შევაწუხე ეკლესიის წარმომადგენლები – მონასტრები, რათა კარგი ხარისხის პროდუქტი შემეგროვებინა. ფასი მისაღები აღმოჩნდა. საცდელი პარტია ავიღე 300 კგ შიომღვიმის მონასტრის თაფლი და კიდევ 120 კგ-მდე ახალციხის საუკეთესო დინდგელი (პროპოლისი) – ქართული პოდუქტი, ეკოლოგიურად სუფთა ყველაფერი. […]

mediapress.ge@gmail.com