საქართველოში დამზადებული პირბადეები უფასოდ დარიგდება

1,708 წაკითხვა

ეკონომიკის სამინისტრო საქართველოში დამზადებულ პირბადეებს საწყის ეტაპზე, კონკრეტულ ადამიანებს უფასოდ დაურიგებს.

როგორც „ინტერპრესნიუსს“ უწყებაში განუცხადეს, საქართველოში წარმოებული პირბადეების პირველი პარტია, რომელიც ნახევარ მილიონს შეადგენს, პირველ რიგში უსასყიდლოდ იმ ადამიანებს გადასცემს, ვისაც სამსახურებრივი მოვალეობის გამო ყოველდღიურ რეჟიმში სხვა ადამიანებთან უწევთ კონტაქტი.

მათივე განმარტებით, ეს შეეხება როგორც საჯარო, ისე კერძო სექტორში დასაქმებულებს, მათ შორის სამედიცინო პერსონალს, მებაჟეებს, მოლარეებს და ა.შ.

“გამოიკვეთება დარგები, რომლებში დასაქმებულებსაც უწევთ სხვა ადამიანებთან მუდმივი კონტაქტი. მაგალითად, მებაჟეები, სამედიცინო პერსონალი, მათ შორის შეიძლება იყვნენ მოლარეებიც”, – აცხადებენ უწყებაში.

რაც შეეხება ზოგადად საქართველოში დამზადებული პირბადის ფასს, უწყების განმარტებით, ეს ჯერ განსაზღვრული არაა და დამოკიდებულია პირბადის დასამზადებლად საჭირო ნედლეულის ღირებულებაზე, რომელიც ქვეყანაში იმპორტის გზით შემოვა.

ცნობისთვის, საქართველოში პირბადეების წარმოება უკვე 10-მდე სამკერვალო ფაბრიკამ დაიწყო. სამკერვალო ფაბრიკა „აჭარა ტექსტილის” მიერ წარმოებული პირბადეების პირველი პარტია მზად დღეს იქნება და ეკონომიკის მინისტრი, ნათია თურნავა ფოთში კომპანია „აჭარა ტექსტილის“ საწარმოს ეწვევა პროცესის ადგილზე გასაცნობად.

კომპანია ეკონომიკის სამინისტროს სოციალური პასუხისმგებლობიდან გამომდინარე, პირველ ეტაპზე დამზადებულ 500 000 პირბადეს უსასყიდლოდ გადასცემს.

Next Post

„გთხოვთ, გააზიაროთ და გამოხატოთ თქვენი დამოკიდებულება - ძუკნების ვირუსი საქართველოში“ - ვალერი კვარაცხელია

ხუთ მარ 19 , 2020
1,708 წაკითხვაძვირფასო ფეისბუქმეგობრებო! კარგა ხანია, რაც “ოქროს კვეთა”, “ობიექტივის” ეთერში აღარ გადის. გადაცემა “ასავალ-დასავალმა” შეიკედლა და დღეს მკითხველებმა საგაზეთო ვერსიის 12-ე გამოშვება მიიღეს. ვფიქრობ, რომ დღევანდელ გადაცემაში წამოჭრილი საკითხი უაღრესად დიდი მნიშვნელობისაა საქართველოსთვის. გთხოვთ, გააზიაროთ და გამოხატოთ თქვენი დამოკიდებულება… გმადლობთ! ძუკნების ვირუსი საქართველოში ვალერი კვარაცხელია: – გამარჯობა, ძვირფასო ტელემკითხველო! «ასავალ-დასავალის» ეთერშია სატელევიზიო გადაცემა «ოქროს კვეთა», რომელსაც, როგორც ყოველთვის, გავუძღვები მე […]