მადლობა, ჩვენ ამას აუცილებლად დავიმახსოვრებთ!
დღე არ გავა, ათეულობით „ურჩი“ მოქალაქე არ დააკავონ და იძულებით სამკურნალოდ არ გაამწესონ. დიახ, ათეულობით ზნედაცემული ადამიანი დაბოდიალობს ჩვენს გარშემო, ისინი არ იცავენ თვითიზოლაციის წესებს და საფრთხეში აგდებენ ყველას სიცოცხლეს.
რაც ზემოთ მოგახსენეთ, თითქოს უკვე ბანალობად იქცა, მაგრამ მაინც სამწუხარო რეალობაა – როგორც ჩანს, ძალიან ბევრმა ჯერ კიდევ ვერ გაიგო, რას ნიშნავს მოქალაქეობრივი თვითშეგნება!
ამ დროს კი… ამ შეუგნებლობის გამო ჩვენი პოლიციელები ღამეებს ათენებენ!
მიკვირს, გაოცებული ვარ, როგორ, რანაირად უნდა მოძებნო საზოგადოებაში გაბნეული ამდენი დაავადებული, ხელი მოჰკიდო და ექიმებამდე მიიყვანო?
წარმოგიდგენიათ, რა შრომა სჭირდება ამ ყველაფერს?
თქმა იოლია, შორიდან ყურება – მით უმეტეს!
პოლიციელები გმირები არიანო… არა, ეს უკვე გმირობაზე მეტია… რაღაც ისეთია, სახელი რომ ვერც კი მოგვიძებნია.
ბრავო, ბიჭებო!
ბრავო, გოგოებო!
ბრავო, შინაგან საქმეთა სამინისტრო!
ჩვენ ამას აუცილებლად დავიმახსოვრებთ!
მადლობა!
გელა ზედელაშვილი
