ადვოკატი, გელა ჩივაძე სოციალურ ქსელში შემდეგი სახის პოსტს აქვეყნებს:
„წავიკითხე, ფეხბურთელი როლანდუ თავის სასტუმროებს უფასო საავადმყოფოებად გადააკეთებს და ექიმებს ხელფასს დაუნიშნავსო, ნეტა რას ფიქრობენ ქართველი მილიონრები? არადა ჩვენ დიდი ილია ჭავჭავაძის, ნიკო ნიკოლაძის, დავით სარაჯიშვილის, ძმები ზუბალაშვილების, ჯორჯ კობის იგივე გრიგოლ(გიგო) კობახიძის შთამომავლები ვართ. როცა კრიზისია და ხალხს გაუჭირდება მაშინ დავაჭერთ მაზოლზე ფეხს, გავიძახით მე რატო სხვამ ქნას სიკეთეო, ორ კაპიკს ვიშოვით და აღარ გვახსოვს საიდან ამოგვათრია ღმერთმა, უფლის მოცემულს ჩვენს ნიჭიერებას ვაბრალებთ. ნუ გვავიწყდება, რომ წუთია სოფელი და ჩვენ სტუმრები ვართ, აქაური სიკეთე ზეყანას წაგვყვება და იქ გვაცხოვნებს, აქედან არავის არ წაუღია სიკეთის მეტი რა, შიშვლები მოვდივართ და შიშვლები წავალთ. და ბოლოს, შთამომავლობა დაუმსახურებლად დატოვებულ სიმდიდრეს კაზინოში დ ა ა მ ღ ე რ ე ბ ს ! რისი მაგალითებიც ძალზედ მრავალრიცხოვანია“, – წერს გელა ჩივაძე.