„პატარა ზეიმი გვქონდა სამსახურში“ – თენგიზ ცერცვაძე

1,224 წაკითხვა

იმას, რაც ტრამპმა გუშინ თქვა, ჩვენ უკვე თვენახევარია ვაკეთებთ, – ამის შესახებ ინფექციური საავადმყოფოს დირექტორმა თენგიზ ცერცვაძემ განაცხადა. როგორც მან აღნიშნა, აშშ-ს პრეზიდენტმა დონალდ ტრამპმა ახალი კორონავირუსის ერთ-ერთ სამკურნალო საშუალებად პრეპარატ „პლაქვენილის“ გამოყენების ლეგიტიმურობის ბრძანება გასცა. ცერცვაძის თქმით, საქართველო აღნიშნულ პრეპარატს უკვე თვეზე მეტია ახალ კორონავირუსთან საბრძოლველად იყენებს.

„მოხდა საინტერესო რამ, გუშინ გამოქვეყნდა საფრანგეთის გარკვეული რეკომენდაციები, სადაც „პლაქვენილი“ დაასახელეს დაავადების, ახალი კორონავირუსის ერთ-ერთ სამკურნალო საშუალებად. თუმცა, მოხდა უფრო მნიშვნელოვანი რამ, დონალდ ტრამპმა ოფიციალურად განაცხადა, რომ ის ვერ დაელოდება FDA-ის ოფიციალურ რეკომენდაციას და ექსპერტების რჩევის, ექსპერტებთან გაკეთებული ანალიზის საფუძველზე, ის როგორც პრეზიდენტი იღებს თავის თავზე, რომ ეს მედიკამენტი – „პლაქვენილი“ პრეზიდენტის ბრძანებით გაუშვას გამოსაყენებლად და მისი გამოყენება ლეგიტიმური გახადოს. ეს იყო ძალიან მნიშვნელოვანი და მართალი გითხრათ, პატარა ზეიმი გვქონდა სამსახურში. ის რაც ტრამპმა თქვა გუშინ, ჩვენ ამას ვაკეთებთ უკვე თვენახევარია“, -განაცხადა ცერცვაძემ “ქრონიკის” ეთერში.

ipn.ge

Next Post

სინოდის გადაწყვეტილებით, წმინდა ზიარების წესი არ შეიცვლება

პარ მარ 20 , 2020
1,224 წაკითხვაახალ კორონავირუსთან დაკავშირებული ვითარების გამო, წმინდა ზიარების წესი არ იცვლება. ამის შესახებ სინოდის სხდომის დასრულების შემდეგ მეუფე ნიკოლოზმა განაცხადა. შესაბამის საკითხზე დღეს წმინდა სინოდმა იმსჯელა და აღნიშნული გადაწყვეტილება მიიღო. საპატრიარქოში სინოდის სხდომა რამდენიმე საათის განმავლობაში მიმდინარეობდა, სადაც განხილვის მთავარი თემა სწორედ ახალ კორონავირუსთან დაკავშირებით ქვეყანაში შექმნილი ვითარება და პრევენციული ღონისძიებები იყო.