ჟურნალისტი ბონდო მძინარაშვილი სოციალურ ქსელში წერს:
„ეკლესიასთან და წირვებთან დაკავშირებით ამდენი აჟიოტაჟი სრულიად ზედმეტია! შეწყვიტეთ ეკლესიის და საპატრიარქოს დისკრედიტაცია!
საგანგებო მდგომარეობის გამოცხადება ვრცელდება ყველაზე! სასულიერო პირები, ისევე, როგორც საერო პირები არიან კანონმორჩილი მოქალაქეები!
ტაძრებში წირვები აღევლინება მრევლის გარეშე! მრევლს კურთხევა მიეცემა, სახლში ილოცოს! სასულიერო პირების მრევლთან ურთიერთობის კომუნიკაციის პრობლემა არ არსებობს!
სააღდგომო წირვა გადაიცემა საზოგადოებრივი მაუწყებლის პირდაპირი ეთერით! პირდაპირი ეთერის სიგნალს მიიღებენ სხვა მაუწყებლები!
მრევლი სახლში მოისმენს პატრიარქის სააღდგომო ეპისტოლეს! კიდევ ერთხელ მოგიწოდებთ: ამ მდგომარეობას ნუ გამოიყენებთ ეკლესიის და საპატრიარქოს დისკრედიტაციისთვის! კარგად ვიცი, რა მუცლის გვრემაც გაქვთ და დაოკდით“– წერს ბონდო მძინარაშვილი.
