1,419 წაკითხვა
ბელარუსის პრეზიდენტმა ალექსანდრე ლუკაშენკომ კიდევ ერთხელ ახსნა, რომ თუ ქვეყანაში კარანტინს დააწესებს, ეს პირდაპირ დაარტყამს ბელარუსის ეკონომიკას. შესაბამისად, არ აპირებს ამის გაკეთებას, მიუხედავად იმისა, რომ კარანტინის გამოცხადების მოთხოვნით უკვე ონლაინ-პეტიციაც არსებობს, რომელსაც ხელს 150 ათასი ადამიანი აწერს.
„აქ ჩვენთან ყვირიან – კარანტინიო, კომენდანტის საათიო და ა.შ. მისმინეთ, ამაზე ადვილი არაფერია და 1 დღეში ვიზამთ, მაგრამ რა ვჭამოთ მერე? დისტანციურად ვწველოთ ძროხები, თუ დასვენების დღეები გამოვაცხადოთ?“, – განაცხადა ლუკაშენკომ.
ბელარუსში ბოლო მონაცემებით კორონავირუსის 700 შემთხვევაა დაფიქსირებული, მათგან 13 გარდაიცვალა, ხოლო 53 გამოჯანმრთელდა.
