სალომე ზურაბიშვილი მიხეილ სააკაშვილის ინტერვიუს ეხმაურება

საქართველოს პრეზიდენტი სალომე ზურაბიშვილი აგვისტოს ომის 11 წლისთავთან დაკავშირებით ყოფილი პრეზიდენტის მიხეილ სააკაშვილის ინტერვიუს ეხმაურება.

„პრეზიდენტად არჩევის შემდეგ ვთქვი, რომ არასდროს გავაკეთებდი კომენტარს სააკაშვილის განცხადებებზე.

მაგრამ, მისმა ბოლო ინტერვიუმ, 2008 წლის ომის დროს დასავლეთთან ურთიერთობის შესახებ, გადაკვეთა ყველა ზღვარი და ზიანს აყენებს საქართველოს სტრატეგიულ ინტერესებს.

სააკაშვილის განცხადებები ამახინჯებს ისტორიას და შეურაცხმყოფელია ჩვენი მოკავშირე ერებისთვის და ლიდერებისთვის, რომლებიც საქართველოს გვერდით დგანან დამოუკიდებლობის მოპოვების დღიდან. ასეთი სიცრუე და არასწორი ინტერპრეტაცია არის უპასუხისმგებლო და მიუღებელი ყოფილი პრეზიდენტისგან.

ეს არის ნათელი მცდელობა საქართველოსა და მისი მოკავშირეების ურთიერთობისთვის ძირის გამოთხრის, ჩვენთვის მნიშვნელოვანი ევროინტეგრაციის გზაზე.

ქართველი ხალხის სახელით, კიდევ ერთხელ გამოვხატავ მადლიერებას ევროპელი და ამერიკელი მოკავშირეებისადმი. როგორც პრეზიდენტი, ვიბრძოლებ ყველა მსგავსი მცდელობის წინააღმდეგ, რომელიც ძირს გამოუთხრის ჩვენს სტრატეგიულ ურთიერთობებს“, – წერს სალომე ზურაბიშვილი „ტვიტერში“.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Next Post

„ახალი ტელევიზიის სახელი „მთავარი არხი“ იქნება“ - ნიკა გვარამია

შაბ აგვ 10 , 2019
წაკითხვა: 270 ნიკა გვარამიას თქმით, ახალი ტელევიზიის სახელი „მთავარი არხი“ იქნება. „რუსთავი 2-ის“ ყოფილი გენერალური დირექტორი რუსთაველის გამზირზე გადაცემა „სირცხვილიას“ სტუმრობდა. ნიკა გვარამიას თქმით, იმის მიუხედავად, დაიჭერენ თუ არა მას, ის განაგრძობს ახალი ტელევიზიის შექმნას. „საქართველოში დიქტატურაა და ეს საბრძოლოა. ჩამსვამენ, არ ჩამსვამენ, მარტო ჩემზე არ გადის ბრძოლის ხაზი, ჩვენ ამ ბრძოლას მაინც მოვიგებთ და ტელევიზიას მაინც ავაშენებთ, ჩასმის თუ […]