„ახლა „ქართულ ოცნებას“ გახურებული საარჩევნო კამპანია აქვს“ – ნინო ბურჯანაძე

1,683 წაკითხვა

„დაიწყეს განცხადებების გაკეთება, რათა შეგვაგუონ, რომ წინასაარჩევნო კამპანია პრაქტიკულად არ იქნება, მაგრამ ახლა „ქართულ ოცნებას“ გახურებული საარჩევნო კამპანია აქვს, განსაკუთრებით იყენებენ ჩვენს სამედიცინო პერსონალს და ცნობილ ადამიანებს,- ამის შესახებ „ერთიანი საქართველოს“ ლიდერმა ნინო ბურჯანაძემ ტელეკომპანია „პალიტრანიუსის“ გადაცემა Newsroom-ის ეთერში განაცხადა.

მისი თქმით, მმართველი გუნდი პანდემიურ ვითარებას წინასაარჩევნო კამპანიისთვის იყენებს.

„ნათლად ვხედავ, რომ ხელისუფლება მაქსიმალურად ცდილობს, რომ პანდემია გამოიყენოს წინასაარჩევნო პერიოდისთვის, გამოიყენოს არა ისე, რომ შეასრულოს ყველა ის დაპირება, რომელიც 8 მარტს იქნა მიღწეული, არამედ გამოიყენოს იმ მიმართულებით, რომ უკვე დაიწყეს განცხადებების გაკეთება, რომ შეგვაგუონ, რომ წინასაარჩევნო კამპანია პრაქტიკულად არ იქნება, რომ ყველაფერი მაქსიმალურად იქნება შეზღუდული, მაგრამ ახლა „ქართულ ოცნებას“ გახურებული საარჩევნო კამპანია აქვს, განსაკუთრებით იყენებენ ჩვენს სამედიცინო პერსონალს და ცნობილ ადამიანებს, რომელთა მხრიდანაც უკვე ცალკეული პოლიტიკური განცხადებებიც კეთდება. ამ ადამიანების გამოყენებით და ამ ადამიანების ზურგს ამოფარებულები შეეცდებიან, საარჩევნო კამპანია ჩაატარონ, ეს არ გამოუვათ“,- განაცხადა ბურჯანაძემ.

 

Next Post

დავით აქუბარდიას „რუბილნიკი“ აჩუქეს

ორშ მაი 4 , 2020
1,683 წაკითხვა ტელეკომპანია „კავკასიის“ დამფუძნებელს დავით აქუბარდიას „რუბილნიკი“ აჩუქეს. ამის შესახებ ინფორმაციას დავით აქუბარდიას მეუღლე, ჟურნალისტი ნინო ჯანგირაშვილი სოციალურ ქსელში ავრცელებს. აქუბარდიამ პირდაპირ ეთერში თქვა, რომ „რუბილნიკი“ დაეწვა და ვეღარ ყიდულობდა, რადგან ელიავას ბაზრობა დაკეტილია. როგორც ჩანს, მისმა ერთ-ერთმა გულშემატკივარმა, წამყვანის „პრობლემა“ გულთან ახლოს მიიტანა და მას სასურველი „რუბილნიკი“ აჩუქა.

შესაძლოა მოგეწონოთ